Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bukalenge bua Nzambi budi bukokesha

Ku dia bakaji: Benza bisangilu patoke mu Londres mu Angleterre mu 1945; Ku dia balume: Mpuilu wa pa buende mu Malawi mu Afrike mu 2012

 TSHITUPA 5

Dilongesha dia Bukalenge—Dilongesha bena mudimu ba Mukalenge

Dilongesha dia Bukalenge—Dilongesha bena mudimu ba Mukalenge

 UDI utua mimuemue idi ikankamija ngamba-malu padiye wenza muyuki kumpala. Ngamba-malu eu mmuanetu wa balume utshidi nsonga mu tshisumbu tshienu, udi wenza muyuki wende bua musangu wa kumpala mu mpuilu. Paudi uteleja muyuki wende, udi wanyisha dilongesha didibu bapeshe bantu ba Nzambi. Udi uvuluka miyuki ikadiye muenzenze ne umona mudiye mpindieu mulubuluke. Wakaya kumpala bikole panyima pa yeye mumane kubuela mu Kalasa ka mudimu wa Nzambi ne pashishe mu Kalasa ka bampanda-njila. Matuku mashale aa, yeye ne mukajende bavua babuele mu Kalasa ka bamanyishi ba Bukalenge. Padi bantu batuta bikashi bua muyuki mulenga wa muanetu eu, udi utangila bantu ne wela meji bua dilongesha didi bantu ba Nzambi bonso bapete.

Bible ukavua mudianjile kumanyisha bua tshikondo tshivua bantu ba Nzambi bonso ne bua kuikala “bayidi ba Yehowa.” (Yesh. 54:13) Tudi mu tshikondo atshi. Tudi tulongeshibua ku diambuluisha dia mikanda yetu, dia bisangilu bietu, dia mpuilu, dia mpungilu ne dia tulasa tushilashilangane tudibu benze bua kutulongolola bua midimu kampanda mu bulongolodi bua Yehowa. Mu tshitupa etshi, netumone mudi tulasa tuonso etu tufila tshijadiki tshia ne: Bukalenge bua Nzambi budi bukokesha lelu.

MU TSHITUPA ETSHI

NSHAPITA WA 16

Kudisangisha pamue bua kutendelela

Mmunyi mutudi mua kupeta masanka a bungi ku bisangilu bitudi tuenza bua kutendelela Yehowa?

NSHAPITA WA 17

Dilongesha bamanyishi ba Bukalenge

Mmunyi mudi tulasa tua malu a Nzambi tulongolole bamanyishi ba Bukalenge bua kutungunuja mudimu wabu?