Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Tshidi mua kufila disanka mu dîku ntshinyi?

Tshidi mua kufila disanka mu dîku ntshinyi

Tshidi mua kufila disanka mu dîku ntshinyi

Udi wela meji ne:

  • Ndinanga anyi?

  • Mmakuta anyi?

  • Ntshintu tshikuabu anyi?

 TSHIDI BIBLE WAMBA

“Bantu badi bateleja dîyi dia Nzambi ne badilama ke ba diakalenga.”—Luka 11:28, Nkudimuinu wa bulongolodi bupiabupia.

MVESE EU UDI UNUAMBULUISHA BUA KUPETA

Dinanga dilelela.—Efeso 5:28, 29.

Kanemu kalelela.—Efeso 5:33.

Dieyemenangana dikole.—Mâko 10:6-9.

 TUDI NE BUA KUITABA TSHIDI BIBLE WAMBA ANYI?

Eyowa, bua malu bu mudi aa:

  • Nzambi ke utu muenze dîku. Bible udi wamba ne: ‘Dîku dionso ndipetele dîna diadi’ kudi Yehowa Nzambi. (Efeso 3:14, 15) Mbuena kuamba ne: Yehowa ke utu muenze bua kuikale dîku. Bualu ebu budi ne mushinga bua tshinyi?

    Tuangate tshilejilu: Udi umvua ne: mbalambe bimpe biakudia kampanda. Mpindieu wewe musue kumanya mudibu babilambe, newebeje nganyi? Kuakuebeja muntu udi mubilambe anyi?

    Bia muomumue, wewe musue kumanya tshidi tshikengela kuenza bua kuikala ne disanka mu dîku dienu, mbimpe webeje Yehowa, bualu yeye ke utu muenze dîku.—Genese 2:18-24.

  • Nzambi utu nenu ku muoyo. Mbimpe nuenu bena mu dîku nuikale nubala Dîyi dia Nzambi bua kukeba mibelu ya Yehowa. Bua tshinyi? “Bualu udi uditatshisha bua bualu buenu.” (1 Petelo 5:6, 7) Yehowa utu musue kunuambuluisha. Mibelu yende itu anu yambuluisha bantu.—Nsumuinu 3:5, 6; Yeshaya 48:17, 18.

 LUKONKO LUKUABU

Udi mua kuenza tshinyi bua kuikala mulume muimpe, mukaji muimpe, anyi muledi muimpe?

Bible udi wandamuna lukonko elu mu EFESO 5:1, 2 ne mu KOLOSAYI 3:18-21.

Manya malu makuabu

MIKANDA & BROSHIRE

Dîku diebe didi mua kupeta disanka

Udi mua kuikala ne disanka mu dibaka diebe ne mu dîku diebe wewe mutumikile mibelu ya mu Bible.