Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Lumu Luimpe Lua Kudi Nzambi!

 DILONGESHA DIA 1

Lumu luimpe ntshinyi?

Lumu luimpe ntshinyi?

1. Kudi lumu ludi lufumina kudi Nzambi. Udiku mulumanye anyi?

Nzambi mmusue bua bantu bikale ne disanka pa buloba. Wakafuka buloba ne bintu bionso bidipu bualu mmunange bantu. Mu katupa kîpi emu, neenze bua bantu ba miaba yonso bikale ne nsombelu muimpe. Neabumbushile malu onso adi abakebela ntatu.Bala Yelemiya 29:11.

Bukalenge nansha bumue kabutu bukokeshe bua kujikija tshikisu ne masama ne lufu to. Kadi, kudi lumu luimpe. Mu katupa kîpi emu, Nzambi neumbushe makalenge onso a bana ba bantu bua kuteka bukalenge buende. Bukalenge ebu nebuenze bua bantu bikale ne ditalala ne makanda a mubidi.Bala Yeshaya 25:8; 33:24; Danyele 2:44.

2. Lumu luimpe ludi lulomba bua kuenza malu ne lukasa bua tshinyi?

Makenga neajike anu pikala Nzambi mumbushe bantu babi pa buloba. (Sefanya 2:3) Kadi Nzambi neumbushe bantu babi pa buloba dîba kayi? Dîyi dia Nzambi dikavua diakule bua ntatu idi nayi bantu lelu. Malu adi enzeka lelu, adi aleja ne: Nzambi ukadi pa kujikija ntatu eyi.Bala 2 Timote 3:1-5.

3. Tshitudi ne bua kuenza ntshinyi?

Tudi ne bua kulonga malu adi atangila Nzambi. Malu aa adi mu Bible. Bible udi bu mukanda udi tatu muimpe mutumine bana bende. Udi utuleja mutudi mua kuikala bimpe lelu eu, ne tshitudi mua kuenza bua kupeta muoyo wa tshiendelele kumpala kua matuku eku. Kadi wamanya! Bamue bantu kabakusanka padibu bamona muntu mukuabu ukuambuluisha bua kumvua Bible bimpe to. Kadi bu mudi Nzambi mutulaye malu mimpe a dikema kumpala eku, katuena mua kuitaba bua muntu nansha yeye nganyi atupangishe bua kulonga Bible to.Bala Nsumuinu 29:25; Buakabuluibua 14:6, 7.