Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo wa 1 2016

 TUIKALAYI NE NSOMBELU WA BUENA KRISTO

Tuakajayi nyishilu wetu—Tuase tshishimikidi bua kupinganyina muntu

Tuakajayi nyishilu wetu—Tuase tshishimikidi bua kupinganyina muntu

MUSHINGA:

Tudi basue kumiamina mâyi ku ntete ya bulelela ituvua bakune. (1 Ko 3:6) Patudi tupeta muntu udi ututeleja, mbimpe kumushila lukonko lutualua kuandamuna musangu udi ulonda. Kuenza nanku kudi kudianjila kumujula nyota ya muyuki ne kutupepejila mushindu wa kudilongolola bua kumupinganyina. Patudi tupingana, tudi mua kumuambila ne: tudi balue kuandamuna lukonko lutuvua bashiye musangu mushale.

TSHIA KUENZA:

  • Paudi ulongolola tshia kuamba paudi uyisha ku nzubu ne ku nzubu, ulongolole kabidi lukonko lunualua kuandamuna. Diandamuna dialu didi mua kuikala mu mukanda uudi upesha muntu dituku adi, anyi ludi mua kuikala lukonko ludibu bandamune mu umue wa ku mikanda itutu tulonga ne bantu uudi musue kutuadija kumulongesha nawu pawamupinganyina.

  • Paudi ujikija kuyukila ne muntu udi muleje dijinga, umuleje ne: udi musue kulua kuyukila kabidi nende musangu udi ulonda, pashishe umushile lukonko luuvua mulongolole. Numvuangane bua mushindu unudi mua kupetangana nende pikalaku mushindu.

  • Wewe mumuambile bua kumupinganyina dîba kampanda, ukumbaje dîyi diebe.—Mat 5:37.