Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo 3 2016

 DIFILA BIKOLE KU MUDIMU WA BUAMBI

Tuakajayi nyishilu wetu—Keba tshiebe tshia kuamba bua kufila bibejibeji

Tuakajayi nyishilu wetu—Keba tshiebe tshia kuamba bua kufila bibejibeji
DIPATUKA
Mêyi
Tshimfuanyi

MUSHINGA: Nansha mutubu bafunda ngenyi mimpe ya bia kuamba mu mabeji a tshisangilu, itu anu bilejilu patupu. Udi ne bua kuamba ebe mêyi. Udi mua kukeba mbuelelu mukuabu anyi kumona ne: tshiena-bualu tshikuabu tshidi mua kusankisha bantu ba muaba unudi bikole. Biobi nanku, wewe mumane kudibadila bibejibeji, mubale bia kuamba ne mumone filme ya bia kuamba, udi mua kulonda ngenyi idi kuinshi eku bua kukeba tshiebe tshia kuamba.

TSHIA KUENZA:

Diebeja ne: ‘Ndiku musue kulonda lumue lungenyi lua tshia kuamba anyi?’

EYOWA

  • Longolola mêyi ebe a mbangilu. Wewe mumane kuela muntu muoyo, umuambile kendela kebe. (Udi mua kuamba ne: “Ndi mulue kukutangila bua . . .”)

  • Keba mushindu wa kukuatakaja lukonko ne mvese ne difila dia tshibejibeji. (Tshilejilu bua kubadisha mvese, udi mua kuamba ne: “Udi mua kupeta diandamuna dia lukonko alu muaba eu.”)

TÒO

  • Sungula tshiena-bualu tshidi tshikusankisha mu tshibejibeji ne tshiasankisha kabidi bantu mu teritware wenu

  • Ela muntu lukonko ludi lumueleshisha meji ne lumujula nyota ya muyuki, kumuedi lukonko lua kapangisha to. (Tshilejilu: Umuele nkonko idi mu dibeji 2 dia bibejibeji.)

  • Sungula mvese wa kubala. (Wewe ufila Réveillez-vous ! Udi mua kubala mvese wewe musue, bualu tshibejibeji etshi mbatshifundile bantu badi ne dimanya dikese dia malu a mu Bible anyi badi kabayi beyemena bitendelelu.)

  • Leja muntu mu mêyi makese mudi dibala dia tshibejibeji atshi mua kumuambuluisha

  • Longolola lukonko lunualua kuandamuna musangu udi ulonda

  • Funda malu akuambuluisha bua kuvuluka tshiwalua kuamba