Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo 3 2016

 TUIKALAYI NE NSOMBELU WA BUENA KRISTO

Dibishibua dia bantu ku lufu, ku diambuluisha dia tshia kupikula natshi

Dibishibua dia bantu ku lufu, ku diambuluisha dia tshia kupikula natshi

Mu tshikondo tshia tshivulukilu tudi tupeta mpunga muimpe wa kuela meji ku mabenesha atuapeta ku diambuluisha dia tshia-bupikudi mu matuku atshilualua. Dimue dia ku mabenesha aa ndibishibua dia bantu ku lufu. Yehowa kavua mufuke bantu bua bikale bafua to. Ke bualu kayi, bualu butu butamba kutusama ku muoyo bikole ndufu lua muntu utudi banange. (1 Ko 15:26) Biakasama Yezu ku muoyo bikole pakamonaye bayidi bende mu tshinyongopelu tshia lufu lua Lazalo. (Yne 11:33-35) Bu mudi Yezu widikija Tatuende bikole mu malu onso, tudi batuishibue ne: Yehowa utu pende unyingalala patuye utumona mu tshinyongopelu tshia lufu lua muntu utuvua banange. (Yne 14:7) Yehowa mmuindile ne muoyo kuulu kuulu tshikondo tshiabishaye bantu bende ku lufu, nansha tuetu petu.—Yob 14:14, 15.

Bu mudi Yehowa Nzambi wa bulongame, mbikumbane bua kuitaba ne: dibishibua dia bafue nedienzeke mu bulongame. (1 Ko 14:33, 40) Pamutu pa kuya kujika bantu ku nkita, nekuikale tshikondo tshia kuakidila bantu babishabu ku lufu. Utuku welengana meji pa dibishibua dia bafue, nangananga paudi mu tshinyongopelu anyi? (2 Ko 4:17, 18) Utuku wela Yehowa tuasakidila bua tshia kupikula natshi tshidiye mutupeshe ne bua mudiye mutumanyishe mu Bible ne: bafue nebapetulule kabidi muoyo anyi?—Kls. 3:15.

  • Ku balunda ne balela bebe, mbanganyi baudi ujinga bikole bua kumona kabidi ne muoyo?

  • Mbantu kayi ba mu Bible baudi mutekemene nangananga bua kumonangana nabu anyi kuyikila nabu?