Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo wa 9 2016

 BIUMA BIA MU DÎYI DIA NZAMBI | MUSAMBU WA 119

‘Londa mikenji ya Yehowa’

‘Londa mikenji ya Yehowa’

Kulonda mikenji ya Yehowa kudi kumvuija kukokela buludiki bua Nzambi ne muoyo mujima. Mu Bible mudi bilejilu bimpe bia bungi bia bantu bavua balonda mikenji ya Yehowa ne bamueyemene anu bu muimbi wa misambu.

Tudi tupeta disanka dilelela anu patudi tulonda mikenji ya Nzambi

119:1-8

Yoshua wakaleja muvuaye mueyemene bikole buludiki bua Yehowa. Uvua mumanye ne: bua kuikala ne disanka ne diakalengele, uvua ne bua kueyemena Yehowa ne muoyo wende wonso

Dîyi dia Nzambi didi ditupesha dikima bua kumona mua kupita ne ntatu ya mu nsombelu

119:33-40

Yelemiya wakaleja muvuaye ne dikima ne dieyemena kudi Yehowa mu nsombelu mikole. Uvua ne nsombelu mupepele, ne wakatungunuka ne mudimu wende

Dimanya dijalame dia Dîyi dia Nzambi didi ditupesha dikima dia kuyisha

119:41-48

Paulo kakatshina bua kuyisha muntu yonso mukenji wa Nzambi to. Pakayishaye Nguvena Felix ne dikima, uvua mutuishibue ne muoyo mujima ne: Yehowa uvua ne bua kumuambuluisha

Mmu nsombelu kayi mundi mua kuleja ne: ndi ne dikima dia bungi pandi nyisha bakuabu?

  • Mu tulasa

  • Ku mudimu

  • Mu dîku

  • Mu nsombelu mikuabu