Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo wa 9 2016

 TUIKALAYI NE NSOMBELU WA BUENA KRISTO

Epuka mateyi aa paudi ulombola dilonga dia Bible

Epuka mateyi aa paudi ulombola dilonga dia Bible
DIPATUKA
Mêyi
Tshimfuanyi

Kuakula bikole: Kuedi meji ne: udi ne bua kumvuija malu onso to. Yezu uvua wela nkonko bua kuambuluisha bantu bua kuelabu meji ne kufikabu ku nkomenu muimpe. (Mat 17:24-27) Nkonko idi ivuija dilonga dimpe ne ikuambuluisha bua kumanya malu adi mulongi webe mumvue ne adiye witaba. (be 253 §3-4) Paudi wela lukonko, wikale ne lutulu ne windile bua andamune. Mulongi yeye mufile diandamuna dibi, pamutu pa kumuambila diandamuna didi dimpe, umuele nkonko mikuabu bua afike ku diandamuna dilelela. (be 238 §1-2) Akula mu mushindu udi mulongi mua kumvua ngenyi mipiamipia bimpe.—be 230 §4.

Kuvuija malu makolakane: Epuka buteyi bua kuamba malu onso audi mumanye pa tshiena-bualu tshinudi nukonkonona. (Yne 16:12) Imanyina pa bualu bunene budi mu tshikoso. (be 226 §4-5) Malu mapitepite bungi nansha wowu ne mushinga, adi mua kujibakaja ngenyi minene. (be 235 §3) Mulongi yeye mumane kumvua bualu bunene, nupite ku tshikoso tshikuabu.

Kukeba anu bua kujikija bikoso: Tshipatshila tshietu ntshia kulenga mioyo ya bantu, ki ntshia kujikija bikoso to. (Luk 24:32) Imanyina pa mvese ya nshindamenu idi mu dilongesha bua kuenza mudimu ne bukole bua Dîyi dia Nzambi. (2Ko 10:4; Eb 4:12; be 144 §1-3) Fila bilejilu bidi bipepele. (be 245 §2-4) Tabalela ntatu idi nayi mulongi ne malu adiye witabuja, umulongeshe bilondeshile nsombelu wende. Muela nkonko bu mudi: “Mmunyi muudi udiumvua bua malu atudi tulonga aa?” “Bualu ebu budi butulongesha tshinyi bua Yehowa?” “Buebe wewe, mmalu kayi mimpe atudi tupeta patudi tutumikila mubelu eu?”—be 238 §3-5; 259 §1.