Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo wa 8 2017

 TUIKALAYI NE NSOMBELU WA BUENA KRISTO

Ndîba kayi dindi mua kuangataku kabidi bumpanda-njila buambuluishi?

Ndîba kayi dindi mua kuangataku kabidi bumpanda-njila buambuluishi?

Tshikena kumona tshia ntempelo tshivua Yehezekele mumone tshidi tshileja ne: bantu ba Yehowa bavua mua kufila milambu ku budisuile. Mmunyi mudi yonso wa kutudi mua kufila pende milambu ya kutumbisha nayi Nzambi?—Eb 13:15, 16.

Umue mushindu mutambe buimpe wa kuenza nanku nkulua mpanda-njila muambuluishi. Tshidimu tshia mudimu tshia 2018 tshidi ne ngondo ya bungi idi ne ma Disambombo atanu ne ma Dia lumingu atanu. Ebi nebitambe kuambuluisha bantu badi dîba dionso anu ku midimu ya bianza bua kuyisha nangananga mu Disambombo ne mu Dia lumingu. Kabidi, bamanyishi badi mua kusungula bua kuyisha mêba 30 anyi 50 mu ngondo muisatu ne muinayi ne mu ngondo udibu ne dikumbula dia mutangidi wa tshijengu.

Kadi tuetu katuyi ne mushindu wa kuangata bumpanda-njila buambuluishi? Tudi mua kudienzeja bua kulengeja nyishilu wetu ne pamuapa kuyisha kabidi bikole. Nansha tuetu mu nsombelu kayi, dinanga dietu dia Yehowa didi ditusaka bua kumupesha bintu bimpe bitudi bakokeshe bua tshidimu tshia 2018!—Hos 14:2.

Ndi mua kuidikija tshisumi tshia Sabina Hernández bishi?

NUMONE FILME WA: YEHOWA YEYE MUNGAMBULUISHE, NDI MUA KUENZA MALU PABUIPI NE ONSO, PASHISHE NUANDAMUNE NKONKO EYI:

  • Ntshinyi tshidi tshisake Sabina bua kuenzela Yehowa mudimu wa bungi?

  • Tshilejilu tshia Sabina tshidi tshikukankamija mushindu kayi?

  • Mu tshidimu tshia mudimu tshia 2018, udi mua kulua mpanda-njila muambuluishi ngondo kayi?