Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo 6 2017

 TUIKALAYI NE NSOMBELU WA BUENA KRISTO

Ditabuja diebe mu milayi ya Yehowa ndikole anyi?

Ditabuja diebe mu milayi ya Yehowa ndikole anyi?

Yoshua ne Solomo bakajadika bonso ne: dîyi nansha dimue dia mu milayi ya Yehowa kadiakapanga kukumbana. (Yos 23:14; 1Bk 8:56) Bujadiki bua bantemu babidi ba kueyemena aba budi butupesha kabidi tshishimikidi tshikole tshia kuibakila ditabuja dietu.—2Ko 13:1; Tit 1:2.

Yehowa uvua mukumbaje milayi yende mu tshikondo tshia Yoshua mushindu kayi? Monayi wewe ne dîku diebe drama wa ‘Kakuena dîyi nansha dimue didi dipange kukumbana.’ Pashishe nuandamune nkonko eyi: 1) Mmunyi mundi mua kuidikija bienzedi bia ditabuja bia Lahaba? (Eb 11:31; Yak 2:24-26) 2) Mmunyi mudi tshilejilu tshia Akana tshileja ne: dibenga kutumikila ku bukole ditu difikisha ku kabutu? 3) Nansha muvua bena Gibeona bikale bena mvita, bua tshinyi bavua bashime Yoshua ne bakebe ditalala ne bena Isalele? 4) Mmunyi muvua dîyi dia Yehowa dikumbane pavua bakalenge 5 ba bena Amona bafunyina bena Isalele? (Yos 10:5-14) 5) Mmunyi mudi Yehowa mukuambuluishe paudi muteke Bukalenge bua Nzambi ne buakane buende pa muaba wa kumpala mu nsombelu webe?—Mat 6:33.

Patudi tuela meji bikole bua bionso bidi Yehowa muenze, bidiye wenza, ne bienzaye, ditabuja dietu mu milayi yende nedikole.—Lom 8:31, 32.

Udiku ne ditabuja bu dia Yoshua anyi?