Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo 6 2016

 BIUMA BIA MU DÎYI DIA NZAMBI | MISAMBU 34-37

Eyemena Yehowa ne enza malu mimpe

Eyemena Yehowa ne enza malu mimpe

‘Kuikadi ne badi benza bienzedi bibi mukawu’

37:1, 2

  • Kulekedi disanka dia tshitupa tshiipi dia bantu babi dikubueja mu ditanaja, upanga mua kuenzela Yehowa mudimu. Tamba kuimanyina pa masanka ne bipatshila bia mu nyuma

“Eyemena Yehowa ne enza malu mimpe”

37:3

  • Ikala mushindike ne: Yehowa neakukuatshishe paudi ne dielakana anyi ne tunyinganyinga. Neakuambuluishe bua kushala ne lulamatu

  • Difila bikole mu diyisha lumu luimpe lua Bukalenge bua Nzambi

“Wikale ne disanka diebe mu Yehowa”

37:4

  • Enza programe wa kubala Dîyi dia Nzambi ne kuelanganamu meji muikale ne tshipatshila tshia kumanya Yehowa bimpe

‘Uteke njila webe mu bianza bia Yehowa’

37:5, 6

  • Ikala mushindike ne muoyo mujima ne: Yehowa neakuambuluishe bua kupita bimpe ne ntatu yebe yonso

  • Ikala anu ne bikadilu bimpe padibu bakuluisha, bakukengesha anyi bakubanda

‘Shala polaa kumpala kua Yehowa, umuindile ne lutulu’

37:7-9

  • Kuenji malu adi mua kukupangisha bua kuikala ne disanka ne kuikala mu bukubi bua mu nyuma

‘Badi ne mitshima mipuekele nebapiane buloba’

37:10, 11

  • Ikala ne mutshima mupuekele, utekemene ne budipuekeshi buonso ne: Yehowa neumbushe malu mabi onso adi akufikila

  • Ambuluisha bena Kristo nebe, usambe badi ne tunyinganyinga ne mulayi wa Nzambi wa bulongolodi bupiabupia bukadi pabuipi menemene apa

Bukalenge bua Masiya nebutuadile bantu masanka kaayi kuamba