3:1-5

Bua tshinyi Yezu uvua munyingalale bikole bua mmuenenu uvua nende bamfumu ba bitendelelu bena Yuda? Bualu bavua bavuije Nsabatu ne bujitu bua bungi bua tukenjikenji tuvuabu basakidile. Tshilejilu, bavua bakandike bantu nansha bua kushipa mutole. Bavua banyisha kuondopangana anu pavua muoyo wa muntu mu njiwu. Mbuena kuamba ne: muntu yeye mutshibuke anyi mutengunuke kabavua bamuondopa dituku dia Nsabatu nansha. Bidi bimueneka patoke ne: bamfumu ba bitendelelu abu kabavua nansha baditatshisha bua muntu uvua ne tshianza tshiuminyine to.