Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo wa 12 2016

 TUIKALAYI NE NSOMBELU WA BUENA KRISTO

‘Ke meme eu, untume meme!’

‘Ke meme eu, untume meme!’

Lungenyi lua didifila luvua nalu Yeshaya ndukumbanyine kuidikija. Wakaleja ditabuja, kuitabaye diakamue bua kukumbaja dijinga divuaku nansha muvuaye kayi mumanye malu onso. (Yes 6:8) Udiku mua kuakaja malu ebe bua kuya kuyisha muaba udibu dijinga ne bamanyishi ba Bukalenge ba bungi anyi? (Ms 110:3) Manya ne: kumpala kua kuya, udi ne bua kuanji ‘kumanya bungi bua makuta audi ne bua kutula.’ (Luk 14:27, 28) Nansha nanku, ikala mudiakaje bua kudipangisha amue malu anu bua mudimu wa kuyisha. (Mat 8:20; Mâk 10:28-30) Anu mudi filme wa Kuya kuyisha muaba udibu dijinga ne bamanyishi uleja, mabenesha atudi tupeta mu mudimu wa Yehowa mmapite kule ne kule bionso bitudi tudipangisha.

NUENU BAMANE KUMONA FILME, NUANDAMUNE NKONKO EYI:

  • Mmalu kayi avua bena mu dîku dia Williams badipangishe bua kuya kuyisha mu ditunga dia Équateur?

  • Mmalu kayi avuabu bakonkonone kumpala kua kusungula muaba wa kuya kuyisha?

  • Mmasanka kayi akapetabu?

  • Nkuepi kuudi mua kumanyina malu a bungi adi atangila kuyisha miaba idibu dijinga ne bamanyishi?

MU NTENDELELU WENU WA MU DÎKU UDI ULONDA, NUYUKIDILANGANE PA NKONKO EYI:

  • Mmunyi mudi dîku dietu edi mua kuvudija mudimu wa buambi? (km 8/11 4-6)

  • Tuetu katuyi ne mushindu wa kuya muaba udibu dijinga ne bamanyishi ba bungi, mmushindu kayi utudi mua kuambuluisha nansha mu tshisumbu tshietu? (w16.03 3-5)