Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo wa 1 2017

Bia kuamba

Bia kuamba

TSHIBUMBA TSHIA NSENTEDI

Lukonko: Bamue bantu batu bela meji ne: Bible katshiena ne mushinga lelu to, padi eku bakuabu bobu bamba ne: utshidi nawu. Kadi wewe?

Mvese: 2 Tim 3:16, 17

Difila: Mu Tshibumba tshia Nsentedi etshi mudi bilejilu bidi bileja meji malelela adi mu Bible ne imue ngenyi ya mudi dibala diebe dia Bible mua kukuambuluisha bikole.

LONGESHA BULELELA

Lukonko: Nshikidilu wa bulongolodi ebu ukadi pabuipi anyi?

Mvese: Mat 24:3, 7, 14

Bulelela: Mulayi wa buprofete wa mu Bible udi uleja ne: tukadi mu matuku a ku nshikidilu. Kadi elu ndumu luimpe, mmumue ne: malu malenga mmatuindile kumpala eku.

BROSHIRE WA LA VIE A-T-ELLE ÉTÉ CRÉÉE ?

Lukonko: Buebe wewe, tudiku ne kabingila menemene ka kuitaba ne: muoyo mmufuka kudi Nzambi anyi, peshi mmubange pawu anu nanku?

Difila: Mu broshire eu mudi bijadiki bidi bifikishe bantu ba bungi ku ditaba ne: kudi mufuki wa meji. Ndi musue kukupinganyina bua tuyukile bua lukonko ludi pa dibeji dia 29 elu: «Vos convictions ont-elles de l’importance» ?

FUNDA TSHIEBE TSHIA KUAMBA

Idikija mishindu ya bia kuamba idi kuulu eku bua kukeba tshiebe tshia kuamba mu buambi.