Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo wa 11 2017

 TUIKALAYI NE NSOMBELU WA BUENA KRISTO

Shala mutabale mu nyuma, muikale anu ne tshisumi padi nsombelu webe ushintuluka

Shala mutabale mu nyuma, muikale anu ne tshisumi padi nsombelu webe ushintuluka

Katuena mua kuepela dishintuluka dia malu to, nangananga mu matuku a ku nshikidilu aa. (1Ko 7:31) Dishintuluka dia malu nansha diodi dimpe anyi dibi didi mua kunyanga ntendelelu wetu ne kutekesha malanda etu ne Yehowa, nansha tuetu baditekemene anyi katuyi baditekemene. Tshiatuambuluisha bua kushala batabale mu nyuma, bikale anu ne tshisumi padi nsombelu wetu ushintuluka ntshinyi? Numone filme wa Shala mukole mu nyuma paudi umuangala, pashishe nuandamune nkonko eyi:

  • Muanetu kampanda uvua mupeshe tatu mubelu kayi?

  • Mmunyi muvua dîyi dinene didi mu Matayi 7:25 ditangila nsombelu wa dîku adi?

  • Bena mu dîku adi bavua badilongolole bishi bua kumuangala? Bivua bibambuluishe mushindu kayi?

  • Ntshinyi tshivua tshiambuluishe bena mu dîku adi bua kuibidilangana ne nsombelu mupiamupia mu tshisumbu ne mu teritware?

Malu manene adi mashintuluke mu nsombelu wanyi matuku adi panshi aa:

Mmunyi mundi mua kutumikila malu andi mumone mu filme eu mu nsombelu wanyi?