Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo wa 10 2017

 TUIKALAYI NE NSOMBELU WA BUENA KRISTO

Ikala ne muoyo bua kutumbisha Yehowa!

Ikala ne muoyo bua kutumbisha Yehowa!

Muoyo ndipa dia mushinga mukole. Mushindu utudi tuenza nadi mudimu dituku dionso udi uleja mutudi tudianyisha bikole. Bu mutudi Bantemu ba Yehowa, tudi tudienzeja bua kuenza mudimu ne bipedi bietu ne bukole buetu bua kutumbisha Yehowa ne kumupesha bunême, yeye udi mufidi wa muoyo. (Mis 36:9; Bua 4:11) Kadi tunyinganyinga tua matuku onso tua mu ndongoluelu mubi eu tudi mua kutupangisha bipepele bua kuteka malu a mu nyuma pa muaba wa kumpala. (Mâk 4:18, 19) Yonso wa kutudi udi ne bua kudiebeja ne: ‘Ndiku bushuwa mpesha Yehowa bintu bianyi bia mushinga anyi? (Hos 14:2) Mbuenzeji kayi budi nabu mudimu wanyi wa bianza pa mudimu undi ngenzela Yehowa? Ndi ne bipatshila kayi bia mu nyuma? Mmunyi mundi mua kuvudija kabidi mudimu wanyi wa buambi?’ Wewe mumone muaba udi ukengela kuakaja, lomba Yehowa mu disambila bua akuambuluishe wakaje malu adi akengedibua. Kakuyi mpata, kutumbisha Yehowa dituku dionso kudi kupetesha nsombelu muimpe wa disanka!—Mis 61:8.

Nnganyi uudi upesha bipedi biebe?

NUMONE FILME WA ENZELA YEHOWA MUDIMU NE BIPEDI BIEBE, PASHISHE NUANDAMUNE NKONKO EYI:

  • Bua tshinyi kuenzela bulongolodi bua Satana mudimu ne bipedi biebe nkupangila meji? (1Yn 2:17)

  • Bantu badi bapesha Yehowa bintu biabu bitambe buimpe badi bapeta masanka kayi?

  • Mmu imue midimu kayi ya tshijila muudi mua kudifila bua kuenza mudimu ne bipedi biebe ne mamanya ebe?