Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Mabeji a tshisangilu tshia Nsombelu ne mudimu wetu wa buena Kristo  |  Ngondo wa 10 2016

 TUIKALAYI NE NSOMBELU WA BUENA KRISTO

Utuku wenza mudimu bimpe ne karte ka JW.ORG anyi?

Utuku wenza mudimu bimpe ne karte ka JW.ORG anyi?

Bu mudi dikenga dinene dienda disemena, kuyisha mmudimu utudi ne bua kuenza ne mitalu. (Nsu 24:11, 12, 20) Bua kuambuluisha bantu, tudi mua kubapesha karte kadi kakoka ntema yabu ku Dîyi dia Nzambi ne ku site wetu wa Enternete. Karte aka kadi ne kode udi ufikisha muntu muaba udi filme wa Bua tshinyi kulonga Bible?, kadi kabidi ne muaba wa kulomba bua kumanya malu makuabu anyi bua kulonga Bible. Bamue bantu kabatu basue kuangata bibejibeji bietu to, kadi batu basue kubuela mu site wetu. Kuelakanyi bua kubapesha karte aka to. Kadi kukashidi bantu badi kabayi baleja dijinga to.

Paudi uya ku midimu yebe ya buatshia buila, bua kujula muntu dijinga, udi mua kumuambila patupu ne: “Ndi ne kantu ka kukupesha muaba eu. Karte aka kadi kakuambuluisha bua kubuela mu site udi ne malu a bungi a kumanya ne filme idi yakula bua malu a bungi.” (Yne 4:7) Bu mudi twarte etu katuyi tunene, udi mua kuambula ndambu bua kupesha bantu dîba dionso didi mpunga umueneka.