Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

 LUKONKO 6

Ntshinyi tshivua Bible mudianjile kuamba bua Masiya?

MULAYI

“Wewe, Beteleheme Efelata, . . . kuudi nekupatuke bua bualu buanyi muntu wikala mfumu mu Isa-lele.”

Mika 5:2

DIKUMBANA DIAWU

“Yezu mumane kuledibua mu Beteleheme wa mu Yudaya mu matuku a mukalenge Helode, monayi! bena lubuku lua mitoto ba ku Est bakalua ku Yelushalema.”

Matayi 2:1

MULAYI

“Badi babanyangana bilamba bianyi, ne badi belela bilamba bianyi nshobo.”

Musambu 22:18

DIKUMBANA DIAWU

“Kadi pavua basalayi bapopele Yezu ku mutshi, bakangata bilamba biende bia pa mutu, kubiabanya mu bitupa binayi . . . Kadi tshilamba tshia muinshi atshi katshivua ne mutelu to, tshivua tshiluka kubangila kuulu too ne kuinshi. Nunku bakambilangana ne: ‘Katutshipandi to, kadi tuelayi nshobo bua kumanya wikala muenatshi.’”

Yone 19:23, 24

 MULAYI

“Udi ulama mifuba yende yonso; kakuena umue wa kudiyi udibu batshibule.”

Musambu 34:20

DIKUMBANA DIAWU

“Pakaluabu kudi Yezu, bakamona ne: ukavua mufue, nanku kabakatshibula mikolo yende to.”

Yone 19:33

MULAYI

“Bakamutubula bua dishipa dietu dia mikenji.”

Yeshaya 53:5

DIKUMBANA DIAWU

“Umue wa ku basalayi wakamutua difuma mu lubadi, diakamue mashi ne mâyi biakapatuka.”

Yone 19:34

MULAYI

“Bakafuta difutu dianyi: bitupa bia arjan 30.”

Zekâya 11:12, 13

DIKUMBANA DIAWU

“Pashishe umue wa ku bapostolo 12, uvuabu babikila ne: Yudasa Isakaliote, wakaya kudi bamfumu ba bakuidi, kubambilaye ne: ‘Nenumpeshe tshinyi meme mumufile kunudi?’ Bakamba bua kumupesha bitupa bia arjan 30.”

Matayi 26:14, 15; 27:5