Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

mukanda wa Yuda 1:1-25

MALU ADI MU MUKANDA EU

  • Dielangana muoyo (1, 2)

  • Dilumbuluisha balongeshi ba dishima ndilelela (3-16)

    • Dikokangana dia Mikaele ne Diabolo (9)

    • Mêyi a buprofete a Henoka (14, 15)

  • Nudilame mu dinanga dia Nzambi (17-23)

  • Kupesha Nzambi butumbi (24, 25)

 Yuda, mupika wa Yezu Kristo, kadi muanabu ne Yakobo,+ kudi babikidibue+ badibu banange kudi Nzambi Tatu ne balamina Yezu Kristo:+  Luse ne ditalala ne dinanga bivulangane kunudi.  Bananga, nansha pamvua ndienzeja muanyi muonso bua kunufundila bua lupandu luolu lumue lutudi nalu,+ mvua mumone bikale ne mushinga bua kunufundila bua kunukankamija bua nuluangane mvita mikole bua ditabuja+ divuabu bapeshe bansantu musangu umue bua kashidi.  Bualu budi bunsaka budi ne: bamue bantu mbabuele munkatshi muenu mu musokoko, bobu mbakavua Mifundu mitele katshia ku kale bua dilumbuluisha edi; mbantu babi badi bavuija ngasa wa Nzambi wetu tshia kudibingisha natshi bua tshikadilu tshia dikamakama*+ ne bavila mfumu wetu umuepele ne Mukalenge, Yezu Kristo.+  Nansha munudi bamanye malu onso aa bimpe, ndi musue kunuvuluija ne: Yehowa* mumane kupandisha bantu mu buloba bua Ejipitu,+ wakalua kushipa bavua kabayi baleje ditabuja.+  Ne banjelu bavua kabayi balame muaba wabu wa ku ntuadijilu, kadi balekele muaba wabu wa kusombela,+ mmubalame ne nkanu ya tshiendelele mu mîdima mikole bua dilumbuluisha dia dituku dinene.+  Bia muomumue, Sodoma ne Amola ne bimenga bivua kumpenga kuabi biakadifila pabi ku masandi* mabi menemene ne biakalonda majinga a mubidi adi kaayi a ku tshifukilu;+ mbabateke kumpala kuetu bu tshilejilu tshia kutudimuija natshi bua muvuabu bapete dinyoka dia dilumbuluisha dia kapia ka tshiendelele.+  Nansha nanku, bantu aba pabu badi badifila ku bilota, banyanga mibidi, bapetula bukokeshi, ne bakula bibi bua bantu ba butumbi.+  Kadi pavua Mikaele+ mfumu wa banjelu+ tshilumbu ne Diabolo, bakokangana nende bua mubidi wa Mose,+ kavua mutete bua kumulumbuluisha ne mêyi a bipendu nansha,+ kadi wakamba ne: “Yehowa* akutandishe.”+ 10  Kadi bantu aba badi bakula bibi bua malu onso adibu kabayi bajingulule menemene.+ Mu malu onso adibu bajingulula ne tshingenyingenyi bu nyama idi kayiyi ne meji,+ badi batungunuka ne kudinyanga. 11  Diakabi diabu, bualu mbalonde njila wa Kayina+ ne mbadiele mu njila wa dijimina wa Balama bua difutu,+ mbajimine mu mêyi a buntomboji+ a Kola!+ 12  Bantu aba mmabue adi masokome muinshi mua mâyi mu bibilu bienu bia dinanga+ padibu babienza nenu; mbalami ba mikoko badi badidisha nkayabu kabayi batshina;+ mmatutu adi kaayi ne mâyi adi lupepele lukupa eku ne eku;+ mmitshi idi kayiyi ne bimuma ku ndekelu kua muvu wa mashika,* mifue misangu ibidi,* mijula ne miji yayi; 13  mmavuala mabi a mbuu adi asampula ntutu ya bundu buabu bobu bine;+ mmitoto idi kayiyi ne njila mujalame idibu balamine mîdima mikole bua kashidi.+ 14  Eyowa, Henoka,+ muntu wa muanda mutekete kumbukila ku Adama wakamanyisha pende mêyi a buprofete bua bualu buabu pakambaye ne: “Tangilayi! Yehowa* wakalua ne binunu ne binunu* bia bansantu bende+ 15  bua kulumbuluisha bantu bonso,+ ne bua kutuisha bonso badi kabayi banemeka Nzambi bua bienzedi biabu bionso bibi bivuabu benze mu mushindu udi kawuyi unemeka Nzambi, ne bua malu adi enza bundu onso avua benji ba mpekatu badi kabayi banemeka Nzambi bamuambe.”+ 16  Bantu aba mbena manunganyi,+ bantu badi badiabakena bua tshidi nsombelu wabu, balonda majinga abu,+ ne mukana muabu mudi mupatula mêyi manene a diambu padibu balabidila bantu bakuabu* bua kupeta bintu.+ 17  Kadi nuenu bananga, nuvuluke mêyi akavuabu bambe* kudi bapostolo ba Mukalenge wetu Yezu Kristo, 18  muvuabu banuambila ne: “Mu matuku a ku nshikidilu nekuikale basekianganyi, balonda majinga abu a malu mabi.”+ 19  Aba mbantu badi bakebesha matapuluka,+ bantu nyama,* badi kabayi ne nyuma.* 20  Kadi nuenu bananga, nudibake pa ditabuja dienu ditambe tshijila, ne nusambile ne nyuma muimpe,*+ 21  bua nudilame mu dinanga dia Nzambi,+ panudi bindile luse lua Mukalenge wetu Yezu Kristo bua muoyo wa tshiendelele.+ 22  Kabidi, tungunukayi ne kufuila bamue bantu badi ne mpata+ luse;+ 23  nubapandishe+ pa kubadiapula mu kapia. Kadi tungunukayi ne kuleja bakuabu luse, nuenza nunku ne ditshina, panudi nukina too ne tshilamba tshidi mubidi munyange mushiye ne makeji.+ 24  Kadi kudi yeye udi mua kunulama bua kanulenduki ne kunujadika kanuyi kalema+ kumpala kua butumbi buende* ne disanka dinene, 25  kudi Nzambi umuepele Mupandishi wetu ku butuangaji bua Yezu Kristo Mukalenge wetu, butumbi, bunene, bukole ne bukokeshi bikale kudiye bua bikondo bionso bia tshiendelele bikadi bipite, mpindieu ne kashidi ne tshiendelele. Amen.

Note

Anyi “tshikadilu tshia dipanga bundu.” Mu tshiena Greke: aselgeia. Tang. Diumv.
Tang. Diumv.
Anyi “automne.”
Anyi “mifue mifuilamu.”
Anyi “makumi a binunu.”
Anyi “banyisha bantu bakuabu.”
Anyi “malu madianjila kumanyisha.”
Anyi “bantu ba ku mubidi.”
Anyi “kabayi bantu ba mu nyuma.”
Anyi “spiritu munsantu; nyuma wa tshijila.” Tang. Diumv.
Anyi “ku dikalaku diende dia butumbi.”