Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yoshua 12:1-24

MALU ADI MU MUKANDA EU

  • Bakalenge batshimuna ku est kua Yadene (1-6)

  • Bakalenge batshimuna ku ouest kua Yadene (7-24)

12  Mpindieu aba ke bakalenge ba buloba bavua bena Isalele batshimune, bena buloba buvuabu bangate luseke lua ku est kua Yadene, kumbukila ku Tshibandabanda tshia Ânona*+ kubanda too ne ku mukuna wa Hêmona+ ne Alabâ mujima lua ku est:+  Sihona mukalenge+ wa bena Amole, uvua musombele mu Heshebona ne uvua ukokesha kumbukila ku Aloê,+ udi ku muelelu kua Tshibandabanda tshia Ânona,*+ ne kumbukila munkatshi mua tshibandabanda atshi ne tshitupa tshia Gilada too ne ku Tshibandabanda* tshia Yaboka, mukalu wa bena Amona.  Uvua ukokesha kabidi mu Alabâ too ne ku Mbuu wa Kinelete*+ lua ku est, too ne ku Mbuu wa mu Alabâ, Mbuu wa Mukele,* lua ku est batangile ku Bete-yishimota, ne lua ku sud kuinshi kua mpulumuku ya Pisega.+  Kabidi ne buloba bua Oga mukalenge+ wa Bashana uvua umue wa mu bena Lefa ba ndekelu,+ uvua musombele mu Ashetalota ne Edelei,  ne uvua ukokesha ku mukuna wa Hêmona, mu Saleka, ne mu Bashana mujima,+ too ne ku mukalu wa bena Geshû ne bena Mâkata,+ ne tshitupa tshia Gilada, too ne ku buloba bua Sihona mukalenge wa Heshebona.+  Mose muena mudimu wa Yehowa ne bena Isalele bakabatshimuna,+ pashishe Mose muena mudimu wa Yehowa wakafila buloba buabu kudi bena Lubena, bena Gada, ne tshitupa tshia tshisa tshia Manashe bua buikale buabu.+  Aba ke bakalenge ba buloba bavua Yoshua ne bena Isalele batshimune ku luseke lua ku ouest kua Yadene, kumbukila ku Bâla-gada+ mu Tshibandabanda tshia Lebanona+ too ne ku mukuna wa Halaka+ udi mubande too ne ku Seî,+ pashishe Yoshua wakafila buloba buabu kudi bisa bia Isalele bua buikale buabu bilondeshile bitupa biabu,+  mu buloba bua mikuna, mu Shefela, mu Alabâ, mu mpulumuku, mu tshipela, ne mu Negebe,+ mbuena kuamba ne: buloba bua bena Hiti, bena Amole,+ bena Kanâna, bena Pelizi, bena Hiwi, ne bena Yebuse:+   Mukalenge wa Yeliko,+ umue; mukalenge wa Ai,+ tshimenga tshivua ku luseke lua Betele, umue; 10  mukalenge wa Yelushalema, umue; mukalenge wa Hebelone,+ umue; 11  mukalenge wa Yâmuta, umue; mukalenge wa Lakisha, umue; 12  mukalenge wa Egelona, umue; mukalenge wa Gezê,+ umue; 13  mukalenge wa Debî,+ umue; mukalenge wa Gedê, umue; 14  mukalenge wa Hôma, umue; mukalenge wa Alada, umue; 15  mukalenge wa Libina,+ umue; mukalenge wa Adulama, umue; 16  mukalenge wa Makeda,+ umue; mukalenge wa Betele,+ umue; 17  mukalenge wa Tapua, umue; mukalenge wa Hefê, umue; 18  mukalenge wa Afeke, umue; mukalenge wa Lashalona, umue; 19  mukalenge wa Madona, umue; mukalenge wa Hasô,+ umue; 20  mukalenge wa Shimelona-melona, umue; mukalenge wa Akasafa, umue; 21  mukalenge wa Tanaka, umue; mukalenge wa Megido, umue; 22  mukalenge wa Kedeshe, umue; mukalenge wa Yokenama+ mu Kâmele, umue; 23  mukalenge wa Dô mu mpulumuku ya Dô,+ umue; mukalenge wa Goyima mu Gilegala, umue; 24  mukalenge wa Tîsa, umue; bakalenge bonso basanga 31.

Note

Anyi “Kasulu ka tshilonda nkoka ka Ânona.”
Anyi “Kasulu ka tshilonda nkoka ka Ânona.”
Anyi “Kasulu ka tshilonda nkoka.”
Mmumue ne: dijiba dia Genesaleta, anyi Mbuu wa Galela.
Mmumue ne: Mbuu Mufue.