Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yona 2:1-10

MALU ADI MU MUKANDA EU

  • Disambila dia Yona munda mua mushipa (1-9)

  • Badi baluka Yona ku mukuna (10)

2  Pashishe, Yona wakasambila Yehowa Nzambi wende munda mua mushipa,+  yeye wakamba ne: “Mu dikenga dianyi ngakabikila Yehowa, yeye wakangandamuna.+ Mu ndondo ya* Lukita* ngakela lubila ndomba diambuluisha.+ Wewe wakumvua dîyi dianyi.   Pauvua mungele mu ndondo, mu muoyo wa mbuu mualabale,Nunku, muenji wa mâyi wakammina.+ Mambuanka ebe onso ne mavuala biakapita pa mutu panyi.+   Ngakamba ne: ‘Ndi muipatshibue ku mêsu kuebe! Mmunyi mungabandila kabidi ntempelo webe wa tshijila?’   Mâyi avua mammine ne avua mateke muoyo wanyi mu njiwu;*+Mâyi male avua mambuikile. Bisonsa bivua bijingile mutu wanyi.   Ngakadiina too ne ku bitaku bia mikuna. Milonda ya buloba ivua mikanga pa mutu panyi kashidi. Kadi, wewe Yehowa Nzambi wanyi, wakapatula muoyo wanyi mu dijimba.+   Pavua muoyo* wanyi wenda upungila, Yehowa ke umvua muvuluke.+ Pashishe, disambila dianyi diakafika kuudi, mu ntempelo webe wa tshijila.+   Badi badifile kudi mpingu ya patupu mbalekele mpokolo wabu wa dinanga dia lulamatu.*   Kadi meme, nemfile mulambu kuudi ne dîyi dia kusakidila nadi. Tshindi muditshipe, nentshifute.+ Lupandu ludi lufumina kudi Yehowa.”+ 10  Panyima pa matuku Yehowa wakatumina mushipa au dîyi, ne wowu wakaluka Yona ku mukuna.

Note

Ku mua.: “difu dia.”
Anyi “Sheole,” mmumue ne: lukita lua bukua bantu buonso. Tang. Diumv.
Anyi “Mâyi avua mannyunguluke too ne ku anyima.”
Anyi “anyima.”
Anyi pamuapa: “lulamatu luabu.”