Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 6:1-30

MALU ADI MU MUKANDA EU

  • Diandamuna dia Yobo (1-30)

    • Udi wamba mudiye mubinge padiye udila bua kanyinganyinga (2-6)

    • Bamusambi bende mbena tshitungu (15-18)

    • “Mêyi malelela kaatu asama to!” (25)

6  Pashishe, Yobo wakandamuna ne:  “Bu bobu nansha mua kupima bujitu bua lutatu luanyi+ bimpe menemene,Kuluteka pa tshipiminu pamue ne dikenga dianyi!   Bualu didi mpindieu ne bujitu kupita nsenga ya ku mbuu. Ke bualu kayi mêyi anyi mmêyi a tshiakulakula.*+   Mikete ya Wa Bukole Buonso mmintubule,Lungenyi luanyi ludi lunua lulengu luayi;+Malu adi enza buôwa bukole a kudi Nzambi mmele mulongo bua kunduisha.   Mpunda wa tshisuku+ neadile padiye ne bisonsa anyi?Anyi ngombe mulume neadile padiye ne biakudia anyi?   Badi mua kudia biakudia bitalalangane kakuyi mukele anyi?Anyi mâyi a milembulembu atu ne muenya anyi?   Ndi mubenge* bua kulenga bintu bia nanku. Bidi anu bu disama mu biakudia bianyi.   Kaah! Bu dilomba dianyi dikumbajibueNe bu Nzambi mungenzele tshindi njinga!   Bu Nzambi muanyishe bua kunzaza,Ne bu yeye muolole tshianza tshiende munshipe!+ 10  Bualu, nansha bualu abu buvua mua kuntuadila busambi;Mvua mua kutumpika ne disanka nansha mudi bidi binsama kabiyi bikepela,Bualu meme tshiena mubenge mêyi a Wa Tshijila+ to. 11  Ndi ne bukole bua kushala anu muindile anyi?+ Nshikidilu wanyi neikale tshinyi bua meme kutungunuka ne kuikala ne muoyo?* 12  Bukole buanyi budi bu bua dibue anyi? Peshi mubidi wanyi mmuenza ne tshiamu tshia mitaku anyi? 13  Kudiku mushindu undi mua kudiambuluishaPadibu bangumbushe mushindu wanyi wonso wa kudikuatshisha nawu anyi? 14  Muntu yonso udi upala muinende dinanga dia lulamatu+Nealekele ditshina dia Wa Bukole Buonso.+ 15  Bana betu mene mbalue bantu badi kabayi kueyemena+ anu bu musulu wa mu muvu wa mashika makole,*Bu mâyi a misulu ya mu muvu wa mashika makole* idi ikama. 16  Mmifiikisha kudi dibue dia mashika,Ne neje udi wenguluka mmusokoka munda muayi. 17  Kadi mu tshikondo tshikumbane idi ipangila mâyi ne ishikila;Padi munya ukola, idi ikama. 18  Badi batshingulula njila wayi;Idi ipueka mu tshipela, ijimina. 19  Bisumbu bia bena ngendu bia ku Tema+ bidi biyikeba;Bena ngendu ba ku Sheba*+ badi bayindila. 20  Bundu mbubakuate bua ditekemena diabu dia patupu;Badi bafikaku anu bua kuedibua mâyi ku makasa. 21  Bualu ke munudi ku mêsu kuanyi;+Nudi bamone buôwa bukole bua dikenga dianyi, buôwa buanukuatshi.+ 22  Ndiku muambe ne: ‘Mpeshayi tshintu,’ Peshi munulombe bua nuenu kumfidila dipa ku bubanji buenu anyi? 23  Ndiku mulombe bua kunsungila ku tshianza tshia muena lukuna,Peshi bua kumpandisha* kudi bakengeshanganyi anyi? 24  Ndongeshayi, nenshale mupuwe;+Ngambuluishayi bua ngumvue tshilema tshianyi. 25  Mêyi malelela kaatu asama to!+ Kadi ndikuatshisha kayi didi mubelu wenu mua kuikala nadi?+ 26  Nudi nulukakaja lungenyi bua kudiula mêyi anyi,Mêyi a muntu mushikile,+ adi lupepele lupepula anyi? 27  Nudi kabidi nuelela muana wa nshiya nshobo+Ne nupanyisha mulunda wenu muine!*+ 28  Nanku mpindieu kudimukayi ne nuntangile,Bualu tshiakudinga ku mêsu kuenu mene to. 29  Anji elululayiku meji, kanungangatshi bibi to,Ee, elululayi meji, bualu buakane buanyi butshidi katakata. 30  Ludimi luanyi ludi luakula malu adi kaayi makane anyi? Mukana muanyi kamuena mujingulula ne: tshintu kampanda ntshibi anyi?

Note

Anyi “mêyi adi kaayi a meji, a tshiambamba.”
Anyi “Anyima wanyi mmubenge.”
Anyi “bua meme kulepesha matuku a muoyo (anyima) wanyi.”
Anyi “hiver.
Anyi “hiver.
Anyi “Tshisumbu tshia bena ngendu ba bena Seba.”
Ku mua.: “kunkuula.”
Anyi “nushintakaja mulunda wenu muine ku bintu!”