Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 40:1-24

MALU ADI MU MUKANDA EU

  • Nkonko mikuabu ya kudi Yehowa (1-24)

    • Yobo udi witaba ne: kena ne tshia kuamba (3-5)

    • ‘Newele kulumbuluisha kuanyi kuakane mpata anyi?’ (8)

    • Nzambi udi umvuija bukole bua Behemote (15-24)

40  Yehowa wakatungunuka ne kuandamuna Yobo ne:   “Mutudianganyi wa bilema udi mua kuelangana ne Wa Bukole Buonso anyi?+ Muntu udi musue kutandisha Nzambi andamune.”+   Yobo wakandamuna Yehowa ne:   “Mona! Tshiena mukumbane to.+ Ntshinyi tshindi mua kukuandamuna? Ndi nteka tshianza tshianyi ku mishiku.+   Mvua muakule musangu umue, kadi tshiakuandamuna kabidi to;Meme kuakula misangu ibidi, kadi tshiakuamba kabidi bualu to.”  Pashishe Yehowa wakandamuina Yobo mu tshipepele tshikole+ ne:   “Suika koku mukaba bu muana mulume;Nenkuele nkonko, ne wewe ummanyishe.+   Kulumbuluisha kuanyi kuakane, neukuele mpata* anyi? Neumpishe meme bua wewe ubinge anyi?+   Wewe udi ne diboko didi ne bukole bu dia Nzambi mulelela anyi?+Peshi dîyi diebe didi mua kukungula bu diende anyi?+ 10  Dilengeja koku ne butumbi ne bunene;Vuala bunême ne bulengele. 11  Patula luonji lua tshiji tshiebe;Tangila muntu yonso udi udibandisha, umupuekeshe. 12  Tangila muntu yonso udi udibandisha, umupuekeshe milongo;Diatakaja bantu babi muaba udibu bimane. 13  Ubasokoke bonso mu lupuishi;Ubasuike* muaba musokome, 14  Dîba adi, nansha meme nenkujadikile*Ne: tshianza tshiebe tshia balume tshidi mua kukupandisha. 15  Mpindieu, tangila Behemote* umvua mufuke bu mumvua mukufuke. Udi udia bisonsa bu ngombe. 16  Tangila dikanda didi mu bikundukundu biendeNe bukole budi mu mifungu ya difu diende! 17  Udi utandabaja mukila wende bu mutshi wa sedre;Bijilujilu bia mu bibelu biende mbishitakaja. 18  Mifuba yende idi milonda ya tshiamu tshia mitaku;Bidimba biende bidi bu milonda ya tshiamu tshifiike tshidibu bafule. 19  Udi mu mulongo wa kumpala* munkatshi mua midimu ya Nzambi;Anu Mufuki wende ke udi mua kusemena kudiye ne muele wende wa mvita. 20  Mikuna idi imupatuila biakudia,Muaba udi nyama ya tshisuku yonso inayila. 21  Yeye udi ulala panshi muinshi mua mitshi ya mêba,Mu tshisokomenu tshia malenge a mu tshisense. 22  Mitshi ya mêba idi ituma dileji diayi pambidi pende,Ne mitshi ya pepiliye ya mu tshibandabanda* idi imunyunguluka. 23  Musulu wowu muvuanduluke, kena upampakana to. Udi ne muoyo mukole, nansha padi musulu wa Yadene+ udituta mukana muende. 24  Muntu udi mua kumukuata yeye mutangile,Peshi kutubula diulu diende ne ndobo* anyi?

Note

Anyi “neukupishe.”
Ku mua.: “Usuike mpala yabu.”
Anyi “nenkuele kalumbandi.”
Pamuapa nnguvu anyi tshiboko.
Ku mua.: “Udi tshibangidilu.”
Anyi “kasulu ka tshilonda nkoka.”
Ku mua.: “buteyi.”