Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 4:1-21

MALU ADI MU MUKANDA EU

  • Muyuki wa kumpala wa Elifaza (1-21)

    • Udi upepeja muoyo mutoke wa Yobo (7, 8)

    • Udi ulonda bualu bua kudi nyuma kampanda (12-17)

    • ‘Nzambi kena weyemena bena mudimu bende’ (18)

4  Pashishe, Elifaza+ muena Temana wakandamuna ne:   “Muntu yeye ukeba kukuambila bualu, neupangile lutulu anyi? Bualu, nnganyi udi mua kudikanda bua kuakula?   Bushuwa, wewe udi mubele bantu ba bungi,Ne uvua ukolesha bianza bivua bitekete.   Mêyi ebe avua ajula yonso uvua utetuka,Ne uvua ukolesha bavua ne binu bikobame.   Kadi mpindieu malu au mmakufikile ne akupitshi bukole;*Adi akulenga ne ukadi upampakana.   Ditshina diebe dia Nzambi kadiena dikupetesha muoyo mukole anyi? Njila webe wa muoyo mutoke+ kena ukupesha ditekemena anyi?   Vuluka koku: Mmuntu kayi udi kayi ne bualu ukadiku mufue? Ndîba kayi dikadibu babutule bantu bakane?   Tshindi mumone tshidi ne: bantu badi badima* malu mabiNe badi bakuna tshimvundu nebapuole malu a muomumue.   Badi bajimina ku mupuya wa Nzambi,Ne ku ditayika dia tshiji tshiende badi batua ku tshibungubungu. 10  Ntambue udi ukungula, ne muana wa ntambue udi wela mikunda,Kadi nansha mênu a ntambue ya makanda* mmatshibuke. 11  Ntambue udi ufua bua dipangila tshia kukuata,Ne bana ba ntambue badi batangalaka. 12  Mpindieu dîyi diakafikishibua kundi mu musokoko,Ne kunungana kuadi kuakafika ku ditshi dianyi. 13  Mu dilubakana dia meji mu bikena kumona bia butuku,Padi tulu tukole tukuata bantu, 14  Lukanku lukole luakankuata,Kuwujalu mifuba yanyi yonso ne buôwa bukole. 15  Nyuma kampanda wakapita pa mpala panyi;Miosa ya pambidi panyi yakavuayila. 16  Pashishe wakashala muimane tendee,Kadi tshiakajingulula mpala wende to. Tshimfuanyi kampanda tshivua kumpala kua mêsu anyi;Kuvua ditalala, pashishe meme kumvua dîyi diamba ne: 17  ‘Muntu ufuafua eu udi mua kuikala muakane kupita Nzambi anyi? Muntu udi mua kuikala mukezuke kupita Mufuki wende anyi?’ 18  Mona! Yeye kena weyemena bena mudimu bende to,Udi utula banjelu* bende bilema. 19  Kadi anu badi basombele mu nzubu ya diima,Badi ne bishimikidi biabu biashila mu lupuishi,+Badibu bazaza bipepele bu tshishi tshia mbumbu! 20  Badi bazajibua menemene kubangila ku dinda too ne ku dilolo;Badi bajimina kashidi, ne muntu nansha umue kena umanya to. 21  Kabena anu bu ntenta udi mutuke nshinga wende anyi? Badi bafua kabayi ne meji.

Note

Ku mua.: “udi muzengele.”
Anyi “balukakaja meji a.”
Anyi “bana ba ntambue ba misalala.”
Anyi “batuadi ba mukenji.”