Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 38:1-41

MALU ADI MU MUKANDA EU

  • Yehowa udi ufila dilongesha dia mudi muntu mushadile bikole (1-41)

    • ‘Uvua penyi pavua buloba bufukibua?’ (4-6)

    • Bana ba balume ba Nzambi bakela mbila ya disanka (7)

    • Nkonko idi itangila malu atu enzeka mu bufuki (8-32)

    • “Mikenji idi ilombola diulu” (33)

38  Pashishe Yehowa wakandamuina Yobo mu tshipepele tshikole+ ne:   “Nnganyi au udi ubuitshidija lungenyi luanyiNe wakula kayi ne dimanya?+   Suika koku mukaba bu muana mulume;Nenkuele nkonko, ne wewe ummanyishe.   Wewe uvua penyi pamvua mujadike bishimikidi bia buloba?+ Ngambila, biwikala wela meji ne: udi mujingulule.   Biwikala mumanye, nnganyi uvua mukose bunene buabu?Peshi nnganyi uvua muolole nshinga wa kupima nende bule pa mutu pabu?   Bitekelu bia makunji abu bivua bibueja mu tshinyi,Anyi nnganyi uvua mulonge dibue diabu dia mu ditumba+   Pavua mitoto ya mu dinda+ miele mbila ne disanka tshiapamue,Ne bana ba balume bonso ba Nzambi*+ batuadije kuela mbila ya disanka?   Nnganyi uvua mukangile mbuu biibi+Pavuaye mupatuke mu difu,   Pamvua mumuvuadike matutuNe mumuvungile* mu mufitu mukole, 10  Pamvua mumujadikile mukalu wanyiNe muteke milonda yende ne biibi biende,+ 11  Pangakamba ne: ‘Udi mua kufika too ne apa, kulunguluki to;Apa mpimanyina mavuala ebe adi adisua’?+ 12  Ukadiku* mutumine dinda dîyiPeshi mumanyishe kabundubundu muaba waku,+ 13  Bua kukuata ntengu ya bulobaNe bua kunyukula bantu babi bua bumbukapu anyi?+ 14  Buobu budi buandamuka bu diima didibu batua tshitampiNe bimanyinu biabu bidi bimueneka bimpe bu bia tshilamba. 15  Kadi butoke bua bantu babi mbabapalabu,Ne diboko diabu didi diela muulu nditshibuke. 16  Udi mupueke too ne ku mishimi ya mbuuPeshi muendakane mu mâyi male+ anyi? 17  Mbakusokoluele biibi bia lufu+ anyi?Peshi udi mumone biibi bia mîdima mikole*+ anyi? 18  Udi mujingulule bualabale buonso bua buloba anyi?+ Ngambila, ni udi mumanye malu onso aa. 19  Butoke mbusombele luseke kayi?+ Muaba wa mîdima udi penyi, 20  Bua wewe kuya nabi too ne muaba wabiNe kujingulula tujila tua kumbelu kuabi? 21  Udi mumanye bualu ebu bualu ukavua muledibueNe bungi bua bidimu* biebe mbubandile anyi? 22  Udi mubuele mu nzubu idibu balamine neje,+Anyi udi mumone nzubu idibu balamine mvula wa mabue,+ 23  Bindi mulame bua tshikondo tshia dikenga,Bua dituku dia kuluangana ne dia mvita anyi?+ 24  Nduseke kayi lutubu batangalajila butoke?*Mmuaba kayi utu lupepele lua ku est lututshila pa buloba?+ 25  Nnganyi udi mupandile mâyi a bungi adi mapasalale mukidiNe muenzele ditutu dia mvula mukole wa makubakuba njila+ 26  Bua kulokesha mvula muaba udi muntu nansha umue kayi musombele,Mu tshipela mudi kamuyi bantu,+ 27  Bua kukutshisha maloba matuke adi manyangukeNe kutoluesha bisonsa?+ 28  Mvula utu ne tatuende anyi?+Peshi nnganyi wakalela mamata a lumuma?+ 29  Mmu difu dia nganyi muvua mabue a mashika mapatukile,Ne nnganyi wakalela mabungi a mu diulu+ 30  Padi mâyi mabuikila bu mabuikila dibueNe pa mutu pa mâyi male pakuatakana dibue?+ 31  Udi mua kusuikakaja mionji ya tshisumbu tshia mitoto tshia Kima*Peshi kusulula nshinga ya tshisumbu tshia mitoto tshia Kezila*+ anyi? 32  Udi mua kupatula tshisumbu tshia mitoto* mu tshikondo tshiatshiPeshi kulombola tshisumbu tshia mitoto tshia Asha* pamue ne bana batshi anyi? 33  Udi mumanye mikenji idi ilombola diulu anyi?+Peshi udi mua kuenzeja buloba bua kuikalabu ku bukokeshi buayi* anyi? 34  Udi mua kubandisha dîyi diebe too ne mu matutuBua kufikisha mâyi a bungi ku dikubuikila anyi?+ 35  Udi mua kutuma mipenyi bua ipatuke anyi? Neyilue kukuambila ne: ‘Ntuetu aba!’ anyi? 36  Nnganyi uvua muteke meji munda mua matutu,*+Peshi mupeshe bintu bidi bienzeka mu diulu* dijingulula dia malu?+ 37  Nnganyi udi ne meji makumbane a kubala matutu?Peshi nnganyi udi mua kutonkola milondo ya mâyi ya mu diulu+ 38  Padi lupuishi lupongoloka lulua tshimotuNe mabuwa a buloba alamakanangana? 39  Udi mua kukuatshila ntambue tshiakudiaAnyi kujikija nzala ya bana ba ntambue+ 40  Padibu babutama muaba wabu wa kusokomenaPeshi baalamina mu mena abu anyi? 41  Nnganyi udi ulongoluela nyunyi wa tshikololo biakudia+Padi bana bende badidila Nzambi balomba diambuluishaNe benda batambakana bualu kakuena tshintu tshia kudia?

Note

Ngakuilu wa mu tshiena Ebelu udi uleja banjelu badi bana ba Nzambi.
Anyi “mumujingile.”
Ku mua.: “Ukadiku mu matuku ebe.”
Anyi “mundidimbi wa lufu.”
Ku mua.: “matuku.”
Anyi pamuapa: “mupenyi.”
Pamuapa mmitoto ya Tshidimina nzaji idi mu tshisumbu tshia mitoto tshia Taureau (Ngombe).
Pamuapa ntshisumbu tshia mitoto tshia Orion.
Ku mua.: “Mazalota.” Mu 2Bk 23:5, muaku udi upetangana ne dîna edi udi ku bungi, uleja bisumbu bia mitoto bia zodiake.
Pamuapa ntshisumbu tshia mitoto tshia Urse Munene.
Anyi pamuapa: “Buende.”
Anyi pamuapa: “munda mua muntu.”
Anyi pamuapa: “mu mutu.”