Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 35:1-16

MALU ADI MU MUKANDA EU

  • Elihu udi wela ngelelu wa meji mubi wa Yobo patoke (1-16)

    • Yobo wakamba ne: mmuakane kupita Nzambi (2)

    • Nzambi udi kuulu menemene, kayi munyanga kudi mpekatu (5, 6)

    • Yobo udi ne bua kuindila Nzambi (14)

35  Elihu wakatungunuka ne kuandamuna ne:   “Udi mutuishibue bulelela ne: udi mubinge bua wewe kuamba ne:‘Ndi muakane kupita Nzambi’ anyi?+   Bualu wewe udi wamba ne: ‘Bidi bikuenzela wewe* tshinyi? Ndiku bimpe kupita pamvua mua kuikala muenze mpekatu anyi?’+   Meme nenkuandamune weweNe balunda bebe+ badi nebe.   Tangila mu diulu, umone,Tangila bimpe matutu+ adi muulu pa mutu pebe.   Wewe muenze mpekatu, nku tshinyi kuudi umuenzela bibi?+ Biavulangana dishipa diebe dia mikenji, tshiudi umuenzela ntshinyi?+   Biwikala muntu muakane, ntshinyi tshiudi umupesha?Ntshinyi tshidiye upetela kuudi?+   Bubi buebe budi butatshisha anu muntu bu wewe,Ne buakane buebe budi buambuluisha anu muana wa muntu.   Bantu badi badila padibu mu dikengeshibua dikole;Badi badila bakeba disulakana ku bukokeshi bua* badi ne bukole.+ 10  Kadi kakuena muntu udi wamba ne: ‘Nzambi, Mufuki wanyi Munene+ udi penyi,Yeye udi wenza bua bimbe misambu butuku?’+ 11  Udi utulongesha+ kupita nyama ya pa buloba,+Ne utuvuija bena meji kupita nyunyi ya muulu. 12  Bantu badi badila, kadi yeye kena wandamuna,+Bua lutambishi lua bantu babi.+ 13  Bushuwa, Nzambi kena uteleja muadi wa patupu;*+Wa Bukole Buonso kena uteyaku ntema yende. 14  Nunku, anu pawadilakana wewe ne: kuena mumumone!+ Tshilumbu tshiebe tshidi kumpala kuende, nanku udi ne bua kumuindila ne muoyo kuulu kuulu.+ 15  Bualu ki mmulombe ne tshiji bua kumubadila malu;Anyi mutume ntema ku malu audi wenza ne dilubakana dipite bukole to.+ 16  Yobo udi ukangula mukana muende bikole tshianana;Udi uvudija mêyi kayi ne dimanya.”+

Note

Wakula pamuapa bua Nzambi.
Ku mua.: “diboko dia.”
Anyi “dishima.”