Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 34:1-37

MALU ADI MU MUKANDA EU

  • Elihu udi ubingisha kulumbuluisha kuakane kua Nzambi ne njila yende (1-37)

    • Yobo wakamba ne: Nzambi uvua mumupale kulumbuluisha kuakane (5)

    • Nzambi mulelela katu wenza malu mabi nansha (10)

    • Yobo mmupangile dimanya (35)

34  Ke Elihu kutungunuka ne kuandamuna, wamba ne:   “Umvuayi mêyi anyi, nuenu badi ne meji;Ntelejayi, nuenu badi bamanye malu a bungi.   Bualu ditshi didi diteta mêyiAnu mudi ludimi* lulabula biakudia.   Tutshinkayi tshidi tshiakane buetu tuetu;Tuangatayi dipangadika munkatshi muetu dia tshidi tshimpe.   Bualu Yobo mmuambe ne: ‘Ndi mubinge,+Kadi Nzambi mmumpale kulumbuluisha kuakane.+   Nenshime bua tshidi dilumbuluishibua dianyi ne bua kuikala anyi? Mputa wanyi kena mua kuma nansha mudiku kakuyi mukenji mushipa.’+   Mmuntu kayi mukuabu udi bu Yobo,Udi unua dipetu bu mâyi?   Udi mu dingumba dia benji ba malu mabiNe mu tshisumbu tshia bantu babi.+   Bualu mmuambe ne: ‘Muntu kena ne tshidiye upetaPadiye udienzeja bua kusankisha Nzambi to.’+ 10  Nunku ntelejayi, nuenu bantu badi ne dijingulula dia malu:* Kabiena mua kuenzeka bua Nzambi mulelela kuenza malu mabi to,+Bua Wa Bukole Buonso kuenza bibi nansha!+ 11  Bualu neafute muntu bilondeshile malu adiye wenza+Ne neamutumine bipeta bia njila yende. 12  Mu bulelela, Nzambi katu wenza bualu bubi to;+Wa Bukole Buonso katu ukonyangaja kulumbuluisha kuakane nansha.+ 13  Nnganyi wakamuteka mutangidi wa buloba?Ne nnganyi wakamuteka ku mutu kua buloba bujima?* 14  Yeye mutuma ntema yende* kudibu,Yeye musangishe nyuma wabu ne mupuya wabu kudiye,+ 15  Bantu bonso* nebajimine tshiapamue,Ne bukua bantu nebupingane ku lupuishi.+ 16  Nunku biwikala ne dijingulula dia malu, teya ntema ku bualu ebu;Umvua bimpe tshindi ngamba. 17  Muntu udi mukine kulumbuluisha kuakane udi mua kukokesha anyi?Peshi wewe udi mua kupisha mukokeshi udi muakane anyi? 18  Udi mua kuambila mukalenge ne: ‘Udi muntu tshianana,’ Peshi kuambila bantu banene ne: ‘Nudi bantu babi’ anyi?+ 19  Kudi Eu udi kayi uleja bakokeshi kansungansungaUdi kayi wanyisha babanji kupita bapele,*+Bualu buonso buabu badi mudimu wa bianza biende.+ 20  Badi mua kufua diakamue,+ munkatshi mua butuku;+Badi banyukuka bikole menemene ne bajimina;Nansha bena bukole badi bumbushibua, kadi ki nku bianza bia muntu to.+ 21  Bualu mêsu a Nzambi adi pa njila ya muntu,+Ne Yeye udi umona bidia biamakasa bionso bidiye wela. 22  Kakuena mîdima anyi mifitu mikole,Mudi benji ba malu mabi mua kusokomena.+ 23  Bualu Nzambi ki mmutekele muntu nansha umue tshikondo tshisungulaBua kumuenekaye kumpala kuende bua kulumbuluishibua to. 24  Yeye udi utshibula bantu badi ne bukole kayi dijinga ne kukonkonona bualuNe ujadika bakuabu pa muaba wabu.+ 25  Bualu mmumanye malu adibu benza;+Yeye udi ubatonkola butuku ne badi bazajibua.+ 26  Udi ubakuma bua bubi buabuMuaba udi bantu bonso mua kumona,+ 27  Bualu mbalekele kumulonda+Ne kabena ne kanemu bua njila wende nansha umue;+ 28  Badi bafikisha bapele ku dimudidila,Yeye ufika ku diumvua muadi wa badi kabayi mua kudisungila.+ 29  Padi Nzambi ushala mupuwe, udi mua kumupisha nnganyi? Padiye usokoka mpala wende, udi mua kumumona nnganyi? Nansha kudi tshisamba anyi kudi muntu, bipeta bidi bia muomumue, 30  Bua muntu udi ubenga Nzambi* kakokeshi+Anyi keledi bantu mateyi. 31  Bualu, muntu neambilaku Nzambi ne:‘Mbampeshe dinyoka nansha mundi tshiyi muenze bualu bubi;+ 32  Ndongesha bindi mupangile mua kumona;Bingikala muenze bualu bubi, tshiakubuenza kabidi’ anyi? 33  Yeye udi ne bua kukufuta bilondeshile muudi wewe musue paudi ubenga dilumbuluisha diende anyi? Wewe ngudi ne bua kusungula, ki mmeme to. Nunku, ngambila malu audi mumanye bimpe. 34  Bantu badi ne dijingulula dia malu* nebangambile,Muntu yonso wa meji udi unteleja, 35  ‘Yobo udi wakula kayi ne tshidiye mumanye,+Ne mêyi ende mmapangile busunguluji.’ 36  Yobo atetshibue* too ne ku ndekelu,Bualu malu adiye wandamuna adi anu bu a bantu babi! 37  Yeye udi usakidila buntomboji ku mpekatu wende;+Udi ututa bikashi ne dipetu dionso kumpala kuetuNe uvudija mêyi ende ubanda Nzambi mulelela!”+

Note

Ku mua.: “tshilakalaka.”
Ku mua.: “muoyo.”
Anyi “buloba budi bantu basombele.”
Ku mua.: “muteke muoyo wende.”
Ku mua.: “Musunyi wonso.”
Anyi “bantu banene kupita bapuekele.”
Anyi “mutontolodi.”
Ku mua.: “muoyo.”
Anyi pamuapa: “Tatu wanyi, Yobo atetshibue.”