Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 31:1-40

MALU ADI MU MUKANDA EU

  • Yobo udi wakuila muoyo wende mutoke (1-40)

    • “Tshipungidi ne mêsu anyi” (1)

    • Udi ulomba bua Nzambi amupime (6)

    • Ki mmuena masandi (9-12)

    • Ki mmunangi wa makuta (24, 25)

    • Ki mmutendeledi wa mpingu (26-28)

31  “Ndi mudie tshipungidi ne mêsu anyi.+ Nunku, mmunyi mudibi mua kuenzeka bua meme kutuma ntema kudi nsongakaji utshidi kamama mu mushindu mubi?+   Kabidi nempete tshinyi kudi Nzambi muulu?Mbumpianyi kayi bungangata kudi Wa Bukole Buonso muulu?   Dikenga kadienaku dindile muenji wa malu mabiNe tshipupu tshindile badi benza malu adi mabi anyi?+   Kenaku umona njila yanyi+Ne ubala bungi bua bidia bianyi bionso bia makasa anyi?   Nkadiku muendele mu malu adi kaayi malelela anyi?* Dikasa dianyi ndiye lubilu bua kushima anyi?+   Nzambi ampime ne tshipimu tshijalame;+Nunku neajingulule muoyo wanyi mutoke.+   Bikala makasa anyi masesuke mu njila,+Anyi muoyo wanyi mulonde mêsu anyi,+Peshi bianza bianyi binyanguke,   Nunku, meme nkune mamiinu bua muntu mukuabu aadie,+Ne bajule bintu bindi nkuna.*   Bikala muoyo wanyi mukokibue kudi mukaji+Ne meme mualamine+ ku tshiibi tshia mukuanyi, 10  Nunku, mukajanyi apelele mulume mukuabu ntete,Ne balume bakuabu balale nende.*+ 11  Bualu atshi tshivua mua kuikala tshikadilu tshia bundu,Tshilema tshidi tshikumbanyine dinyoka kudi balumbuluishi.+ 12  Tshivua mua kuikala kapia kadi kadia ne kabutula,*+Kashidisha too ne miji ya* bionso bindi mupete. 13  Bingikala mubengele bapika banyi balume anyi bakaji kulumbuluisha kuakanePavuabu nanyi tshilumbu,* 14  Ndi mua kuenza tshinyi padi Nzambi undumbuluisha?* Ndi mua kumuandamuna tshinyi padiye undomba bua kumubadila malu?+ 15  Yeye uvua mumfuke munda mua mamuanyi kavua mubafuke pabu anyi?+ Ki Nyeye umue au uvua mutuenze kumpala kua tuetu kuledibua* anyi?+ 16  Bingikala mubenge kupesha bapele tshivuabu natshi dijinga+Anyi mubungamije mêsu a mukaji mukamba;*+ 17  Bingikala mudie tshianyi tshitupa tshia biakudia nkayanyiTshiyi mutshiabanyangane ne bana ba nshiya;+ 18  (Bualu katshia ku bunsonga buanyi, muana wa nshiya* mmukolele kundi bienze bu ne: mvua tatuende,Ne mvua mulombodi wa mukaji mukamba* katshia ku buana.*) 19  Bingikala mumone muntu ufua bua dipangila dia bilambaAnyi mupele kayi ne tshia kudibuikila;+ 20  Bikalaye* kavua mumbeneshe+Pavuaye upetela luya ku tshilamba tshia miosa ya mikoko yanyi; 21  Bingikala munyukuile muana wa nshiya mbata+Pavuaye dijinga ne diambuluisha dianyi ku tshiibi tshia tshimenga;*+ 22  Nunku, diboko* dianyi dituke ku dikaya dianyi,Ne diboko dianyi ditshibukile mu lukengibue.* 23  Bualu mvua ntshina dikenga dia kudi Nzambi,Ne tshivua mua kuimana kumpala kua bunême buende to. 24  Bingikala mueyemene or,Peshi muambile or mutambe buimpe ne: ‘Udi bukubi buanyi!’+ 25  Bingikala mupetele dianyi disanka mu bubanji buanyi buvule+Bua bintu bia bungi bindi mupete;+ 26  Bingikala mumone dîba* dikenka,Peshi ngondo wenda mu butumbi buende;+ 27  Ne muoyo wanyi mukokibue mu musokoko,Ne mukana muanyi mutue tshianza tshianyi mishiku bua kubitendelela;+ 28  Nunku, bualu abu buvua mua kuikala tshilema tshikumbanyine dinyoka kudi balumbuluishi,Bualu mvua mua kuikala muvile Nzambi mulelela wa mu diulu. 29  Nkadiku musanke bua dibutuka dia muena lukuna wanyi,+Peshi musanke bualu malu mabi avua mamukuate anyi? 30  Tshitu muanji kuanyisha bua mukana muanyi muenze mpekatu,Ndomba muoyo* wende mu mutshipu to.+ 31  Bantu ba mu ntenta wanyi ki mbambaku ne:‘Nnganyi udi mua kupeta muntu udi kayi muukute ne biakudia* biende?’+ 32  Muenyi* nansha umue kavua mua kulala pambelu to;+Mvua munzuluile muena ngendu biibi bianyi. 33  Nkadiku mutete bua kusokoka matomboka anyi bu bantu bakuabu,+Nsokoka tshilema tshianyi mu mpaya wa tshilamba tshianyi anyi? 34  Nkadiku mumvue buôwa bua tshidi tshisumbu tshinene tshia bantu mua kuenzaPeshi muzakale bua dipetudia bena mu mêku makuabu,Binshiya mupuwe ne bintshinyisha bua kupatuka pambelu anyi? 35  Bu muntu nansha mua kuntelejaku!+ Mvua mua kutua tshiala ne dîna dianyi pa malu andi muambe.* Wa Bukole Buonso angandamune!+ Bu mumbandi mufundaku nansha malu adiye umbanda nawu mu mukanda! 36  Mvua mua kuambula pa dikaya dianyi,Ne mvua mua kuasuika ku mutu wanyi bu tshifulu tshia butumbi. 37  Mvua mua kumubadila bualu bua tshidia ne tshidia tshimvua muele;Mvua mua kusemena pabuipi nende ne muoyo mukole bu mukokeshi. 38  Bikala buloba buanyi mua kungelela mbilaNe mabula abu mua kudila tshiapamue; 39  Bingikala mudie mamuma abu tshiyi mufute,+Peshi bingikala mutekeshe benabu* mu maboko;+ 40  Nunku, mêba antolokele pamutu pa bléNe bisonsa bia mupuya mubi pamutu pa orje.” Mêyi a Yobo adi ajikila apa.

Note

Anyi pamuapa: “muende ne bantu badi kabayi bamba bulelela anyi?”
Anyi “bajomone tunkanunuina tuanyi.”
Ku mua.: “balume bakuabu batue binu pa mutu pende.”
Ku mua.: “kadia (kamina) too ne ku kabutu.”
Anyi “Kajomona.”
Anyi “bamfunde ku tshilumbu.”
Ku mua.: “ujuka?”
Ku mua.: “mu lukutu.”
Ku mua.: “mupangishe mêsu a mukaji mukamba bua kumona.”
Ku mua.: “yeye.”
Ku mua.: “wende.”
Ku mua.: “katshia mu lukutu lua mamuanyi.”
Ku mua.: “Bikala tshimono tshiende.”
Anyi pamuapa: “Pamvua mumone ne: mvua ne dikuatshisha ku tshiibi tshia tshimenga.”
Anyi “tshikayakaya.”
Anyi “mu tshipokopoko tshia dinungu diadi; ku mufuba wadi wa kuulu.”
Ku mua.: “butoke.”
Anyi “anyima.”
Ku mua.: “munyinyi.”
Anyi “Muntu udi musombe buenyi.”
Anyi “Etshi ke tshiala tshindi ntua.”
Anyi “anyima wa benabu.”