Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 27:1-23

MALU ADI MU MUKANDA EU

  • Yobo mmudisuike bua kulama muoyo wende mutoke (1-23)

    • “Tshiakulekela muoyo wanyi mutoke” (5)

    • Muntu udi ubenga Nzambi kayi ne ditekemena (8)

    • “Bua tshinyi malu anudi nuakula adi anu patupu menemene?” (12)

    • Bantu babi badi batua ku ndekelu kabayi ne tshintu (13-23)

27  Yobo wakatungunuka ne kuakula,* wamba ne:   “Bushuwa bu mudi Nzambi wakabenga kundeja kulumbuluisha kuakane+ muikale ne muoyo,Bu mudi Wa Bukole Buonso wakamvuija meme* muena kanyinganyinga kakole+ muikale ne muoyo,   Bu mutshidi mueyelu wanyi munda muanyiNe nyuma wa kudi Nzambi mu mimpempe yanyi,+   Mishiku yanyi kayakuamba malu adi kaayi makane;Nansha ludimi luanyi kaluakunungana malu a dishima to!   Kabiena mua kumfikila bua meme kunuamba nuenu ne: nudi bakane to! Too ne pangafua, tshiakulekela* muoyo wanyi mutoke!+   Nendame buakane buanyi ne tshiakubulekela nansha kakese;+Muoyo wanyi kawakumpisha* matuku onso antshidi ne muoyo* to.   Muena lukuna wanyi alue bu bantu babi,Badi banduisha balue bu bantu badi kabayi bakane.   Bualu, nditekemena kayi didi nadi muntu udi ubenga Nzambi* padibu bamubutula,+Padi Nzambi umbusha muoyo* wende?   Nzambi neateleje muadi wendePadi dikenga dimukuata anyi?+ 10  Peshi yeye neasankile mu Wa Bukole Buonso anyi? Neabile Nzambi misangu yonso anyi? 11  Nennulongeshe bualu bua bukole bua* Nzambi;Tshiakunusokoka bualu nansha bumue bua Wa Bukole Buonso. 12  Monayi! Binuikala bonso bamone bikena kumona,Bua tshinyi malu anudi nuakula adi anu patupu menemene? 13  Etshi ke tshitupa tshidi muntu mubi upeta kudi Nzambi,+Bumpianyi budi bamfumu ba tshikisu bangata kudi Wa Bukole Buonso. 14  Bana bende bobu bavulangane, nebafue ku muele wa mvita,+Ne ndelanganyi yende kayakuikala ne biakudia bikumbane to. 15  Badi bashala ne muoyo padiye ufua, tshipupu netshibajiike,Ne bakaji bakamba babu kabakubadila to. 16  Nansha yeye mukunguije arjan bu lusengaNe mudibutshile bilamba bilengele bu diima, 17  Nansha yeye mua kubikunguija,Muntu muakane neabivuale,+Ne bantu badi kabayi ne bualu nebabanyangane arjan yende. 18  Nzubu udiye wibaka mmuteketangane bu lukutu lua tshishi tshia mbumbu,Bu muaba wa kueyema+ muenza kudi nsentedi. 19  Neaye kulala muikale mubanji, kadi kakukunguija tshintu nansha tshimue;Padiye ubulula mêsu ende, tshintu nansha tshimue katshiakuikalaku. 20  Buôwa bukole budi bumukuata bu mâyi a bungi mapasalale;Tshipepele tshikole tshidi tshimubakula butuku.+ 21  Lupepele lua ku est nelumuambule, ne yeye kakuikalaku;Ludi lumukomba lumumbusha muaba wende.+ 22  Neluditute kudiye kakuyi luse+Padiye upatata bua kunyema bukole bualu kakuyi mushindu.+ 23  Ludi lumukumina bikashiNe lumuelela muonzo+ muaba udilu.*

Note

Ku mua.: “lusumuinu.”
Anyi “anyima wanyi.”
Anyi “tshiakumbusha kundi; nendame.”
Anyi “kawakunyobola; kawakunkeba bilumbu.”
Anyi “dituku nansha dimue dia mu matuku anyi.”
Anyi “mutontolodi.”
Anyi “anyima.”
Anyi pamuapa: “Nennulongeshile ku tshianza tshia.”
Anyi pamuapa: “Badi bamututshila bikashi ne bamuelela muonzo muaba udibu.”