Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 24:1-25

MALU ADI MU MUKANDA EU

  • Diandamuna dia Yobo didi ditungunuka (1-25)

    • ‘Bua tshinyi Nzambi kena ukosa tshikondo?’ (1)

    • Udi wamba ne: Nzambi udi witaba malu mabi enzeka (12)

    • Benji ba mpekatu mbanange mîdima (13-17)

24  “Bua tshinyi Wa Bukole Buonso kena ukosa tshikondo?+ Bua tshinyi badi bamumanye kabena bamona dituku diende?*   Bantu badi batentemuna bimanyinu bia mikalu;+Badi bakuata bisumbu bia mikoko baya nabi mu mpata yabu bobu ya kudishila nyama.   Badi baya ne mpunda wa bana badi bafuishe batatuabuNe bakuata ngombe wa mukaji mukamba bu tshieya tshia tshintu tshisomba.*+   Badi bumbusha bapele mu njila ku bukole;Ba pa buloba badi kabayi mua kudisungila badi ne bua kubasokoma.+   Bapele badi bakeba tshiakudia ne muoyo mujima bu mpunda ya tshisuku+ mu tshipela;Badi bakeba biakudia mu tshipela bua bana babu balela.   Badi ne bua kupuola bintu mu budimi bua bende,*Ne kupumbulula mu madimi a tumuma tua mvinyo a bantu babi.   Badi balala butaka butuku bujima, kabayi ne bilamba;+Kabena ne tshia kudibuikila bua mashika.   Mbabolesha bikole kudi mvula ya ku mikuna;Badi balamata ku mabue bua dipangila dia muaba wa kueyema.   Muana udi mufuishe tatuende mmutula ku dibele;+Ne bilamba bia bapele mbiangata bu tshieya tshia tshintu tshisomba,+ 10  Babenzeja bua kutambakana butaka, kabayi ne bilamba,Bikale ne nzala, padibu bambula bisumbu bia ntete. 11  Badi benza mudimu mukole munkatshi mua bibumba bia mabula pa munya mukole;*Badi badiata tumuma tua mvinyo mu bikaminu, kadi bafua ne nyota.+ 12  Bantu badi bapunga ne lufu badi batungunuka ne kutua mikemu mu tshimenga;Badi ne mputa ya lufu* badi badila bakeba diambuluisha,+Kadi Nzambi kena umona bualu ebu bu bubi to.* 13  Kudi badi batombokela butoke;+Kabena bajingulula njila ya butoke,Ne kabena balonda tujila tuabu. 14  Mushipianganyi udi ujuka pa dindadinda;Udi ushipa badi kabayi mua kudisungila ne bapele,+Padiye eku butuku uditua mu diiba. 15  Dîsu dia muendi wa masandi didi dindila pakadi panshi pafiika,+Diamba ne: ‘Kakuena muntu wammona to!’+ Udi ujika mpala wende. 16  Mu mîdima, badi batubula* nzubu babuelamu;Mu munya, badi badikangila mu nzubu. Bobu mbenyi kudi butoke.+ 17  Bualu dinda didi muomumue ne mîdima mikole kudibu;Mbibidilangane ne malu adi enza buôwa bukole a mu mîdima mikole. 18  Kadi mâyi adi abapuekesha lubilu.* Tshitupa tshiabu tshia buloba netshiedibue mulawu.+ Kabakupingana mu madimi abu a tumuma tua mvinyo nansha. 19  Anu mudi munanga ne luya lukole bijimija neje idi mienguluke,Ke mudi Lukita* lujimija bantu badi benze mpekatu!+ 20  Mamuende* neamupue muoyo; tshikusu netshimudie ne disanka. Kabakumuvuluka kabidi nansha.+ Nebatshibule dipanga buakane anu bu mutshi. 21  Yeye udi udia mukaji udi nkumba bintu,Ukengesha mukaji mukamba. 22  Nzambi* neenze mudimu ne bukole buende bua kubutula bantu badi ne bukole;Nansha bobu mua kujuka, kabena ne dishindika dia kuikala ne muoyo to. 23  Nzambi* udi ubalekela bakolesha ku muoyo ne badiumvua mu ditalala,+Kadi mêsu ende adi pa malu onso adibu benza.*+ 24  Mbabandishibue bua tshitupa tshîpi, pashishe kabenaku kabidi.+ Mbapuekeshibue+ ne mbasangishibue pamue bu bantu bakuabu bonso;Mbabakose bu miepu ya ntete. 25  Mpindieu, nnganyi udi mua kujadika mundi muena dishimaAnyi kuela mêyi anyi mpata?”

Note

Mmumue ne: dituku diende dia dilumbuluisha.
Anyi “bu tshintu tshikuata lukole.”
Anyi pamuapa: “bapuola biakudia bia nyama mu budimi.”
Anyi pamuapa: “badi bakamina mafuta munkatshi mua bibumba bia mabula.”
Anyi “Anyima ya badi ne mputa.”
Anyi pamuapa: “Nzambi kena ubipisha muntu nansha umue to.”
Ku mua.: “bapanda.”
Ku mua.: “Yeye udi ne lubilu lukole pa mutu pa mâyi.”
Anyi “Sheole,” mmumue ne: lukita lua bukua bantu buonso. Tang. Diumv.
Ku mua.: “Lukutu.”
Ku mua.: “Yeye.”
Ku mua.: “Yeye.”
Ku mua.: “pa njila yabu.”