Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 23:1-17

MALU ADI MU MUKANDA EU

  • Diandamuna dia Yobo (1-17)

    • Udi ukeba kuya ne tshilumbu tshiende kudi Nzambi (1-7)

    • Udi wamba ne: kena mua kupeta Nzambi (8, 9)

    • ‘Mvua mulamate njila wende tshiyi nsesuka’ (11)

23  Yobo wakandamuna ne:   “Nansha lelu nendiabakene ne tshitunu tshionso;*+Bukole buanyi mbujike bua ditua dianyi dia mikemu.   Bu meme nansha mumanye kua kupetela Nzambi!+ Mvua mua kuya muaba udiye musombele.+   Mvua mua kuya ne tshilumbu tshianyi kumpala kuendeNe kuwuja mukana muanyi ne mêyi a kudibingisha nawu;   Mvua mua kumanya muvuaye mua kungandamunaNe kuteya ntema ku malu adiye ungambila.   Yeye uvua mua kuelangana nanyi ne bukole buende bunene anyi? Tòo, bushuwa, yeye uvua anu mua kunteleja.+   Kuoku aku muena bululame uvua mua kululamija nende malu,Mvua mua kubingishibua kudi Mulumbuluishi wanyi musangu umue bua kashidi.   Kadi meme muye ku est, kenaku to;Ne ndi mpingana, tshiena mua kumupeta to.   Padiye wenza mudimu ku dia bakaji, tshiena mua kumumona to;Pashishe udi ukudimuka ku dia balume, kadi tshiena anu mmumona to. 10  Kadi yeye mmumanye njila undi mulonde.+ Padiye ujikija kunteta, nempatuke bu or mukezuke.+ 11  Makasa anyi mmalonde mu makasa ende bimpe bimpe;Ndi mulamate njila wende tshiyi nsesuka.+ 12  Tshiena mumbuke ku mukenji wa ku mishiku yende. Ndi mulame mêyi ende+ bimpe kupita too ne bivuabu bandombe bua kuenza.* 13  Padiye mudisuike bua kuenza bualu, nnganyi udi mua kumukandamena?+ Padiye* usua kuenza bualu, yeye udi ubuenza.+ 14  Bualu neakumbaje malu onso akadibu bampangadijile,*Udi ne malu a bungi a mushindu eu atshidiye mulame. 15  Ke bualu kayi ndi mpampakana bua bualu buende;Pandi ngela meji a bualu buende, buôwa buanyi budi bukola. 16  Nzambi mmumvuije muena buôwa,Ne Wa Bukole Buonso mmunkuatshishe buôwa. 17  Kadi ki mbanji kumpuwisha kudi mîdimaAnyi kudi mifitu idi mibuikile mpala wanyi to.

Note

Anyi “kudiabakena kuanyi nkua buntomboji.”
Anyi “bamfundile.”
Anyi “Padi anyima wende.”
Anyi “bamfundile.”