Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 19:1-29

MALU ADI MU MUKANDA EU

  • Diandamuna dia Yobo (1-29)

    • Udi ubenga malu adi balunda bende bamutandisha nawu (1-6)

    • Udi wamba ne: mbamulekele (13-19)

    • “Mukuudi wanyi udi ne muoyo” (25)

19  Yobo wakandamuna ne:   “Too ne dîba kayi dinuatungunuka ne kufiikisha anyima wanyi munda,*+Nunzaza ne mêyi?+   Misangu dikumi eyi nudi bantandishe;*Kanuena ne bundu bua kungenzela malu makole to.+   Nansha meme muine mutupakane,Tshilema tshianyi tshidi anu kundi meme.   Nuenu basuminyine ne kudibandisha ku mutu kuanyi,Nuamba mudi bualu budibu bambanda nabu buikale bulelela,   Nunku, numanye ne: Nzambi ke udi mumpambule,Ne mmunkuate mu bukondo buende bua kulemba nabu.   Tangilayi! Ndi ntungunuka ne kuela lubila ne: ‘Tshikisu!’ kadi tshiena mpeta diandamuna to;+Ndi ntungunuka ne kuela lubila ndomba diambuluisha, kadi kulumbuluisha kuakane kakuenaku.+   Yeye mmukange njila wanyine tshimanu tshia mabue, nunku tshiena mua kupita to;Mmubuikile njila yanyi ne mîdima.+   Mmumvule butumbi buanyiNe mmumbushe tshifulu tshia butumbi ku mutu kuanyi. 10  Udi untshibulula nseke yonso too ne pandi njimina;Udi ujomona ditekemena dianyi bu mutshi. 11  Tshiji tshiende tshidi tshintemena,Ne udi ummona bu muena lukuna wende.+ 12  Bisumbu biende bia basalayi bidi bidisangisha, bintshintshimika,Ne bidi bijingila ntenta wanyi. 13  Bana betu menemene mmubipate kule nanyi,Ne bantu badi bammanye mbangele nyima.+ 14  Balunda banyi ba pa muoyo* mbandekele,Ne bantu bamvua mumanye bimpe mbampue muoyo.+ 15  Benyi badi mu nzubu muanyi+ ne bapika banyi bakaji badi bangangata bu muenyi;Ndi muntu wa ku babende ku mêsu kuabu. 16  Ndi mbikila muena mudimu wanyi, kadi kena ungitaba;Ndi mmusengelela ne mukana muanyi bua kungumvuila luse. 17  Mupuya wa mu diulu dianyi muine mmulue tshintu tshia muengu kudi mukajanyi,+Ndi mupuya mubi kudi bana betu menemene.* 18  Too ne bana batekete bakadi bampepeja;Pandi njuka, badi batuadija kumpenda. 19  Balunda banyi bonso ba pa muoyo mbankine,+Ne bantu bamvua munange mbankudimukile.+ 20  Mifuba yanyi mmilamate ku dikoba dianyi ne ku misunyi yanyi,+Ndi mpanduka ne dikoba dia ku mênu anyi. 21  Ngumvuilayiku luse, balunda banyi, ngumvuilayiku luse,Bualu tshianza tshia Nzambi ntshindenge.+ 22  Bua tshinyi nudi nutungunuka ne kunkengesha mudi Nzambi unkengesha,+Nunduisha kanuyi nule-kela?*+ 23  Bu bobu nansha bafunde mêyi anyi,Bu bobu nansha mua kuikala baafunde mu mukanda! 24  Kaah! Bu bobu nansha baatape pa dibue bua kashidiNe ntapu wa tshiamu tshifiike ne tshiamu tshia plomb! 25  Bualu ndi mumanye bimpe ne: mukuudi* wanyi+ udi ne muoyo;Yeye nealue pashishe ne neimane pamutu pa buloba.* 26  Panyima pa dikoba dianyi dimana kunyanga mushindu eu,Nansha muntshidi mu mubidi wanyi, nemmone Nzambi 27  Ungadimuena meme muine,Wikala mêsu anyi meme mua kumona, ki nga muntu mukuabu to.+ Kadi ndi ndiumvua mushikile munda muanyi bikole!* 28  Bualu nudi nuamba ne: ‘Mmushindu kayi utudi tumukengesha?’+ Bualu muji wa bualu ebu udi kundi meme. 29  Ikalayi ne buôwa bua muele wa mvita,+Bualu muele wa mvita udi utuadila bilema dinyoka;Numanye ne: mulumbuluishi udiku.”+

Note

Anyi “kumfiikisha munda.” Tang. Diumv.
Anyi “bampende.”
Anyi “balela banyi.”
Ku mua.: “bana ba mu lukutu luanyi,” mmumue ne: difu divua dingimite (difu dia mamuanyi).
Ku mua.: “Ne kanuyi nuukuta munyinyi wanyi?”
Anyi “mupikudi.”
Ku mua.: “pa mutu pa lupuishi.”
Anyi “Tuonyi tuanyi ntutshioke munda muanyi.”