Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 18:1-21

MALU ADI MU MUKANDA EU

  • Muyuki muibidi wa Biledada (1-21)

    • Udi umvuija difutu dia benji ba mpekatu (5-20)

    • Udi wamba mudi Yobo kayi mumanye Nzambi (21)

18  Biledada+ muena Shuhi wakandamuna ne:   “Nebikengele mutantshi bule kayi bua nuenu kulekela kuakula mêyi a nunku? Lejayi lungenyi bua tushishe kuakula.   Bua tshinyi tudi mua kumueneka bu nyama+Ne kuangatshibua bu batatakane* ku mêsu kuenu?   Nansha wewe mudipandulule* tupese tupese bua tshiji tshiebe,Nebalekele buloba bua bualu buebe anyi?Peshi dibue dinene nediumbuke pa muaba wadi anyi?   Eyowa, butoke bua bantu babi nebujime,Ne ludimi lua kapia kende kaluakukenka to.+   Bulelela, butoke budi mu ntenta wende nebulue mîdima,Ne muendu udi pa mutu pende newujime.   Tshidia tshiende tshia bukole ntshipidike,Ne lungenyi luende luine nelumukulule.+   Bualu makasa ende neamufikishe mu bukondo,Ne yeye neatue eku ne eku pa nshinga yabu.   Buteyi nebumukuate ku tshikankanyi;Disoka nedimukuate.+ 10  Mbamuelele muonji musokoka mu buloba,Ne buteyi budi mu njila wende. 11  Malu adi azakeja adi amutshinyisha nseke yonso+Ne amulondakaja mu makasa ende. 12  Bukole buende budi bumujika,Ne tshipupu+ netshimufikishe ku ditetuka.* 13  Dikoba diende ndidiike;Disama dipite bukole dia lufu* didi didia bidimba biende. 14  Badi bamumbusha mu bukubi bua ntenta wende,+Baya nende too ne kudi mukalenge wa malu adi akuatshisha buôwa bukole.* 15  Benyi* nebasombe mu ntenta wende;Sufre neatangalajibue muaba wende wa kusombela.+ 16  Miji yende neyume muinshi muende,Ne matamba ende neafubidile pa mutu pende. 17  Tshivulukilu tshia bualu buende netshijimine pa buloba,Ne dîna diende kadiakumanyika* mu musesu nansha. 18  Nebamuipate ku butoke bua kuyaye mu mîdimaNe nebamuipate pa buloba budi bumenesha bintu. 19  Kakuikala ne bana anyi tunkanunuina munkatshi mua tshisamba tshiende to,Ne kakuikala ne muntu mushale ne muoyo muaba udiye musombele nansha.* 20  Padi dituku diende dilua, bantu ba miaba ya ku Ouest nebumvue bibi be!Ne buôwa bukole nebukuate bantu ba miaba ya ku Est. 21  Etshi ke tshidi tshifikila ntenta ya muenji wa malu mabiNe muaba wa muntu udi kayi mumanye Nzambi.”

Note

Anyi pamuapa: “badi ne bukoya.”
Anyi “mupandulule anyima webe.”
Anyi “ditebuka.”
Ku mua.: “Muanabute wa lufu.”
Anyi “ku lufu lubi lutambe.”
Ku mua.: “Tshintu tshidi katshiyi tshiende.”
Ku mua.: “kakuikala ne dîna.”
Anyi “muaba udiye usombela bua tshitupa tshîpi.”