Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 17:1-16

MALU ADI MU MUKANDA EU

  • Diandamuna dia Yobo didi ditungunuka (1-16)

    • “Basekianganyi mbannyunguluke” (2)

    • ‘Yeye mmumvuije tshintu tshia kusekabu’ (6)

    • “Lukita nelulue nzubu wanyi” (13)

17  “Nyuma wanyi mmutshibuke, mbajime matuku anyi;Mu nkita mmungindile.+   Basekianganyi mbannyunguluke,+Dîsu dianyi didi ne bua kushala ditangile* tshikadilu tshiabu tshia buntomboji.   Itaba koku tshieya tshianyi, ne utshilame. Nnganyi mukuabu wanyukulangana nanyi bianza ne kupunga dîyi bua bualu buanyi?+   Bualu udi musokoke muoyo wabu dijingulula dia malu;+Ke bualu kayi kuena ubatumbisha to.   Yeye udi mua kuitaba bua kuabanyangana bintu ne balunda bende,Padi eku mêsu a bana bende apangila bukole.   Mmumvuije tshintu tshia kusekabu* munkatshi mua bukua bantu,+Meme kulua muntu udibu batuila mate ku mêsu.+   Bua kanyinganyinga kakole, mêsu anyi adi abuitshi-dila,+Ne bidimba bianyi bionso bidi anu mundidimbi.   Bena bululame badi batangila bualu ebu bakatshila,Ne muntu udi kayi ne bualu udi umvua bibi bua muntu udi ubenga Nzambi.*   Muntu muakane udi ushala mulamate mu njila wende bikole,+Ne muntu udi ne bianza bikezuke udi wenda upeta bukole.+ 10  Kadi nudi mua kulua buonso buenu, nubangulule diakula dienu,Bualu tshiena mupete muena meji nansha umue munkatshi muenu to.+ 11  Matuku anyi mmajike;+Malu andi mpangadija, majinga a mu muoyo wanyi, mmatayisha.+ 12  Badi batungunuka ne kuvuija butuku bulua munda munya,Bamba ne: ‘Butoke budi ne bua kuikala pabuipi, bualu mîdima idiku.’ 13  Meme muindile, Lukita* nelulue nzubu wanyi;+Nengadije bulalu buanyi mu mîdima.+ 14  Nengele dijimba*+ dîyi ne: ‘Wewe ke tatuanyi!’ Ne tshikusu ne: ‘Mamuanyi ne muanetu wa bakaji!’ 15  Nunku, ditekemena dianyi didi penyi?+ Nnganyi udi mua kummuenena ditekemena? 16  Diodi* nedipueke too ne ku biibi bia Lukita* bidi bikangakaja,Patudi tupueka tuetu bonso pamue mu lupuishi.”+

Note

Anyi “kushala dituishile pa.”
Ku mua.: “lusumuinu; kasumu.”
Anyi “mutontolodi.”
Anyi “Sheole,” mmumue ne: lukita lua bukua bantu buonso. Tang. Diumv.
Anyi “lukita.”
Mmumue ne: ditekemena dianyi.
Anyi “Sheole,” mmumue ne: lukita lua bukua bantu buonso. Tang. Diumv.