Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 16:1-22

MALU ADI MU MUKANDA EU

  • Diandamuna dia Yobo (1-22)

    • “Nudi basambi badi batatshishangana!” (2)

    • Udi wamba mudi Nzambi umuteka bu tshintu tshiende tshia kuasa bintu (12)

16  Yobo wakandamuna ne:   “Nkadi mumvue malu a bungi a buena aa. Buonso buenu nudi basambi badi batatshishangana!+   Kudiku ndekelu wa mêyi a patupu* anyi? Ntshinyi tshidi tshikufiikisha munda bua wewe kuandamuna mushindu eu?   Mvua panyi mua kuakula bu munudi nuakula amu. Bu nuenu bikale pa muaba wanyi,*Mvua mua kunuamba malu a bungiNe kunukupila mutu wanyi.+   Kadi, mvua mua kunukolesha ne mêyi a mukana muanyi,Ne busambi bua ku mishiku yanyi buvua mua kufila disulakana.+   Meme muakule, bidi binsama kabiena bisulakana to,+Ne meme mulekele kuakula, mbidi binsama bungi kayi biakepela?   Kadi mpindieu yeye mmunzengeje;+Yeye mmubutule ba mu nzubu muanyi bonso.*   Wewe kabidi udi unkuata, ne bualu ebu mbulue ntemu,Nunku tshinyanu tshianyi tshidi tshijuka ne tshifila bujadiki kumpala kuanyi.   Tshiji tshiende ntshinsunsule tupese tupese, ne mmundamine munda.+ Udi undiila mênu. Muena lukuna wanyi mmuntubule ne mêsu ende.+ 10  Mbankanguile mukana muabu bikole bua kunduisha,+Ne mbantape mapi ku matama ne dipetu dionso;Mbadisange tshisumbu tshinene bua kunduisha.+ 11  Nzambi udi umfila kudi bana ba balume,Ne udi ungela mu bianza bia bantu babi.+ 12  Mvua mu ditalala, kadi yeye wakantayisha;+Wakankuatshila mu dikoshi, kunzazaye;Pashishe wakanteka bu tshintu tshiende tshia kuasa bintu. 13  Bedi ba mikete bende mbannyunguluke;+Udi utubula tuonyi tuanyi+ kayi umvua luse;Udi upongolola kanyonga kanyi panshi. 14  Udi untubulula masoso masoso;Udi ulua lubilu kundi bu muena mvita. 15  Ndi mutelakaje tshilamba tshikayabale bua kubuikila dikoba dianyi,+Ne ndi mujiike bunême* buanyi mu lupuishi.+ 16  Mpala wanyi mmukunze ne didila dia muadi,+Ne pa bilafinyi bianyi padi mundidimbi mukole,* 17  Nansha mudi bianza bianyi kabiyi bienze bualu bua tshikisuNe disambila dianyi dikale dikezuke. 18  Wewe buloba, kubuikidi mashi anyi!+ Kakuikadi muaba wa kuikishila bua muadi wanyi to! 19  Nansha mpindieu, wanyi ntemu udi mu diulu;Yeye udi mua kujadika bualu buanyi udi muulu. 20  Balunda banyi badi banseka+Padi mêsu anyi apuekeshila Nzambi binsonji.*+ 21  Muntu mukuabu akose tshilumbu pankatshi pa muntu ne Nzambi,Bu mudi muntu mua kutshikosa pankatshi pa muntu ne muinende.+ 22  Bualu bidimu bitshidi bilua mbikese,Ne nenye mu njila utubu kabayi batua bapingana.+

Note

Anyi “makole a luonji.”
Anyi “Bu anyima wenu muikale pa muaba wa anyima wanyi.”
Anyi “badi badisanga nanyi.”
Anyi “bukole.” Ku mua.: “lusengu.”
Anyi “mundidimbi wa lufu.”
Anyi pamuapa: “atangila kudi Nzambi kaayi alala tulu.”