Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 13:1-28

MALU ADI MU MUKANDA EU

  • Diandamuna dia Yobo didi ditungunuka (1-28)

    • ‘Ndi musue kuakula ne Nzambi’ (3)

    • “Nudi baminganga badi kabayi ne dikuatshisha” (4)

    • “Ndi mumanye ne: ndi mubinge” (18)

    • Udi webeja bua tshinyi Nzambi udi umumona bu muena lukuna (24)

13  “Bushuwa, dîsu dianyi ndimone bualu ebu buonso,Ditshi dianyi ndibuteleje ne dibujingulule.   Malu anudi bamanye, meme panyi ndi muamanye;Tshiena mushadile kunudi to.   Buanyi meme, ndi musue kuakula ne Wa Bukole Buonso nkayende;Ndi njinga kulumbulula tshilumbu tshianyi ne Nzambi.+   Kadi nudi nunnyangila lumu ne malu a dishima;Buonso buenu nudi baminganga badi kabayi ne dikuatshisha.+   Bu nuenu nansha bashale bapuwe talalaa,Bivua mua kuleja munudi ne meji.+   Telejayi koku mêyi anyi a didibingisha nawu,Ne teyayi ntema ku mêyi a kulumbulula kua mishiku yanyi.   Nenuakule mêyi adi kaayi makane mu dîna dia Nzambi anyi?Nenuakule bua bualu buende ne mêyi a dishima anyi?   Nenutue ku tshiende* anyi?Nenukebe bua kulumbuluila Nzambi mulelela tshilumbu tshiende anyi?   Yeye munukonkonone,+ malu neapite bimpe anyi? Nudi mua kumushimakaja munudi mua kushimakaja muntu ufuafua anyi? 10  Bushuwa, yeye neanutandisheBinuikala nukeba bua kuleja kansungansunga mu musokoko.+ 11  Bunême buende buine kabuakunuzakeja bikole anyi?Buôwa bukole bua bualu buende kabuakunukuata anyi? 12  Mêyi enu a meji* adi nsumuinu ya butu;Bintu bienu bia kudikuba nabi* mbitekete anu bu bia kudikuba nabi bienza ne diima. 13  Shalayi bapuwe kumpala kuanyi bua mmone mua kuakula. Nulekele tshionso tshidi mua kumfikila tshimfikile! 14  Bua tshinyi ndi nditeka mu njiwu*Ne ngambula muoyo* wanyi mu bianza bianyi? 15  Nansha mudiye mua kunshipa, nenshale anu muindile;+Nendumbulule tshilumbu tshianyi* ku mêsu kuende. 16  Dîba adi yeye nealue lupandu luanyi,+Bualu muntu nansha umue udi mubenge Nzambi* kena mua kubuela kumpala kuende to.+ 17  Telejayi dîyi dianyi bimpe;Teyayi ntema ku bualu bundi ngamba. 18  Mpindieu monayi, ndi mulongolole tshilumbu tshianyi bua kuya natshi ku kabadi;Ndi mumanye ne: ndi mubinge. 19  Nnganyi welangana nanyi? Nemfue meme mushale mupuwe!* 20  Wewe Nzambi, ngenzelaku anu malu abidi patupu,*Bua tshilu kusokoma ku mêsu kuebe: 21  Umbusha tshianza tshiebe tshia bujitu utshitume kule nanyi,Kulekedi buôwa bua bualu buebe bunzakeja to.+ 22  Anyi ubikile ne meme nengandamune,Peshi undekele ngakule, wewe ungandamune. 23  Mbilema ne mpekatu kayi bindi muenze? Nsokoluela dishipa dianyi dia mikenji ne mpekatu wanyi. 24  Bua tshinyi udi usokoka mpala webe,+Ungangata bu muena lukuna webe?+ 25  Neukebe bua kutshinyisha dibeji didi dipepukaPeshi kulondakaja nkolakola miume anyi? 26  Bualu udi utungunuka ne kufunda malu makole a kumbanda nawu,Ne udi umfutshisha bua mpekatu ya ku buana buanyi. 27  Udi muele makasa anyi mu bikunyi,Udi ukonkonona njila yanyi yonso,Ne ulondolola tshifundu ne tshifundu tshia dikasa dianyi. 28  Nunku, muntu* udi unyanguka mubidi anu bu tshintu tshibole,Bu tshilamba tshidia kudi bishi bia mbumbu.

Note

Anyi “Nenuleje kansungansunga mu bualu buende.”
Anyi “atubu anu bavuluka.”
Ku mua.: “Mapondo a ku ngabu yenu.”
Ku mua.: “Bua tshinyi ndi muambule musunyi wanyi ku mênu anyi?”
Anyi “anyima.”
Anyi “Nembingishe njila yanyi.”
Anyi “mutontolodi nansha umue.”
Anyi pamuapa: “Bikalaku muntu, nenshale mupuwe meme kufua.”
Ku mua.: “Malu abidi patupu, kuangenzedi to.”
Ku mua.: “yeye,” pamuapa bakula bua Yobo.