Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 12:1-25

MALU ADI MU MUKANDA EU

  • Diandamuna dia Yobo (1-25)

    • “Tshiena mushadile kunudi to” (3)

    • “Ndi mulue tshintu tshia kuseka” (4)

    • ‘Meji adi kudi Nzambi’ (13)

    • Nzambi udi ku mutu kua balumbuluishi ne bakalenge (17, 18)

12  Ke Yobo kuandamuna ne:   “Bushuwa, nuenu nudi bantu badi bamanye,*Ne meji neafue pamue nenu!   Kadi meme panyi ndi ne lungenyi.* Tshiena mushadile kunudi to. Nnganyi udi kayi mumanye malu aa?   Ndi mulue tshintu tshia kuseka kudi balunda banyi,+Muntu udi ubikila Nzambi bua kupeta diandamuna.+ Muntu muakane udibu kabayi mua kubanda udi tshintu tshia kuseka.   Muntu udi kayi ne lutatu udi upepeja dikenga,Wela meji ne: didi anu buabantu badi makasa abu kaayi mashindame panshi.*   Ntenta ya bivi idi mu ditalala,+Ne bantu badi bafiikisha Nzambi munda badi talalaa,+Bantu badi ne nzambi wabu mu bianza biabu.   Kadi ebejaku nyama, neyikulongeshe;Ebeja kabidi nyunyi ya muulu, neyikuambile.   Anyi konkonona* buloba, nebukulongeshe;Ne mishipa ya mu mbuu neyikumanyishe bualu ebu.   Nnganyi munkatshi mua bintu bionso ebi udi kayi mumanyeNe: tshianza tshia Yehowa ke tshidi tshienze bualu ebu? 10  Mu tshianza tshiende mmudi muoyo wa tshintu tshionso tshidi ne muoyo*Ne nyuma* wa muntu yonso.*+ 11  Ditshi kadiena diteta mêyiBu mudi ludimi* lulabula biakudia+ anyi? 12  Meji kaatu munkatshi mua banunu+ anyi?Ne lungenyi kalutu lulua mu bungi bua matuku a muoyo anyi? 13  Kudiye nkudi meji ne bukole;+Udi ne dilongolola ne lungenyi.+ 14  Padiye upula tshintu, kabena mua kutshibakulula;+Tshidiye mukange, muntu kena mua kutshikangula. 15  Padiye ukuata mâyi, bintu bionso bidi biuma;+Padiye uatuma, adi apita buloba bukole.+ 16  Kudiye kudi bukole ne meji adi ambuluisha;+Muntu udi upambuka ne udi upambuishangana mbende yeye; 17  Yeye udi wenza bua bafidi ba ngenyi baye ku makasa kutupu,*Ne utatakaja balumbuluishi.+ 18  Udi usulula mionji idi bakalenge basuike bantu,+Ne ubasuika mukaba mu tshimono tshiabu. 19  Udi wenza bua bakuidi bende ku makasa kutupu,+Ne utonkola badi bashindame bikole mu bukokeshi;+ 20  Udi upala bafidi ba mibelu badibu beyemene muakulu,Ne unyenga lungenyi luimpe lua banunu;* 21  Udi witshikijila bantu banene dipetu,+Uvuija badi ne bukole batekete;* 22  Udi usokolola malu male adi mu mîdima,+Upatula mîdima mikole ku butoke; 23  Udi uvuija bisamba binene bua kulua kubibutula;Udi udiundisha bisamba bua kubikuata kuya nabi ku babende. 24  Udi unyenga lungenyi* lua balombodi ba bisamba,Ne ubatambakaja mu maloba matuke adi kaayi ne tujila.+ 25  Badi babubuta mu mîdima+ mudi kamuyi butoke;Udi ubatambakaja eku ne eku bu bantu bakuatshike maluvu.+

Note

Ku mua.: “nuenu nudi bantu.”
Ku mua.: “muoyo.”
Anyi “aselemuka.”
Anyi pamuapa: “akula ne.”
Anyi “anyima wa muntu yonso udi ne muoyo.”
Anyi “mueyelu.”
Ku mua.: “wa musunyi wonso wa muntu.”
Ku mua.: “tshilakalaka.”
Anyi “baye banyengibue bintu bionso.”
Anyi “bakulu.”
Ku mua.: “Utekesha mukaba wa badi ne bukole.”
Ku mua.: “muoyo.”