Ndaku munda

Ndaku ku tshikebelu

Bantemu ba Yehowa

Sungula muakulu Tshiluba

Yobo 11:1-20

MALU ADI MU MUKANDA EU

  • Muyuki wa kumpala wa Sofâ (1-20)

    • Udi ubanda Yobo bua biakulakula (2, 3)

    • Udi wambila Yobo bua kumbusha malu mabi (14)

11  Sofâ+ muena Nâmata wakandamuna ne:   “Mêyi onso aa neashale kaayi ne diandamuna anyi?Peshi diakula dia bungi didi mua kubingisha muntu anyi?*   Biakulakula biebe nebipuwishe bantu anyi? Muntu kakukutandisha bua mêyi ebe a tuseku anyi?+   Bualu wewe udi wamba ne: ‘Dilongesha dianyi ndikezuke,+Ne ndi mukezuke ku mêsu kuebe.’+   Kadi bu Nzambi yeye nansha muakule,Mukukanguile mukana muende!+   Nunku, yeye uvua mua kukuleja malu masokoka a meji,Bualu meji adi ambuluisha adi ne bibadi bia bungi. Nunku, wewe uvua mua kujingulula ne: Nzambi mmuanyishe bua ndambu wa tshilema tshiebe apuibue muoyo.   Udi mua kusokolola malu male a NzambiPeshi kusokolola malu onso adi atangila* Wa Bukole Buonso anyi?   Mmatumbuke kupita diulu. Ntshinyi tshiudi wewe mua kuenza? Mmuondoke kupita Lukita.* Ntshinyi tshiudi wewe mua kumanya?   Mmale kupita buloba,Ne mmalabale kupita mbuu. 10  Yeye mupite, mukuate muntu, ne mubueje tshilumbuluidi,Nnganyi udi mua kumukandamena? 11  Bualu mmumanye padi bantu bikale bena dishima. Padiye umona bualu bubi, kakubutangila anyi? 12  Kadi muntu udi mu mutu mutupu neapete lungenyiAnu pikala mpunda wa tshisuku mua kulela muntu.* 13  Bu wewe nansha mulongolole muoyo webeNe mumuoluele bianza biebe. 14  Bikala tshianza tshiebe tshienza bualu bubi, utshitume kule,Kulekedi bualu bubi busomba mu ntenta yebe to. 15  Dîba adi, uvua mua kubandisha mpala webe kuyi ne kalema;Uvua mua kuimana mushindame, kuyi ne buôwa. 16  Dîba adi, neupue lutatu luebe muoyo;Neuluvuluke anu bu mâyi akadi makupite mapueke. 17  Muoyo webe newulue mutoke kupita munda munya;Nansha mîdima yawu neyikale bu mu dinda. 18  Newikale ne muoyo mukole bualu kudi ditekemena;Neukenzakane eku ne eku ne neulale mu bukubi. 19  Neulale kakuyi muntu wa kukutshinyisha,Ne bantu ba bungi nebakebe bua kukulengelela. 20  Kadi mêsu a bantu babi neatekete;Kabakupeta muaba nansha umue wa kunyemena,Ne ditekemena diabu dionso nedikale lufu.”*+

Note

Anyi “muena lutambishi udi mua kubinga anyi?”
Anyi “kujingulula nshikidilu wa.”
Anyi “Sheole,” mmumue ne: lukita lua bukua bantu buonso. Tang. Diumv.
Anyi “padi mpunda wa tshisuku uledibua muntu.”
Anyi “difua dia anyima.”