Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 10:1-22

MALU ADI MU MUKANDA EU

  • Diandamuna dia Yobo didi ditungunuka (1-22)

    • ‘Bua tshinyi Nzambi udi ukokangana nanyi?’ (2)

    • Dishilangana didi pankatshi pa Nzambi ne Yobo (4-12)

    • “Mpetaku ndambu wa disulakana” (20)

10  “Ndi nkina* muoyo wanyi.+ Nempatule malu onso adi mantonde. Nengakule patoke mu dikenga dianyi dikole!*   Nengambile Nzambi ne: ‘Kungambi ne: ndi mupile to. Ngambila bua tshinyi udi ukokangana nanyi.   Bidi bikuenza disanka bua kukengeshangana,Bua kupetula mudimu wa bianza biebe,+Eku wanyisha lungenyi ludi bantu babi bafila anyi?   Udi ne mêsu a mubidi anyi,Peshi udi umona mudi muntu ufuafua eu umona?   Matuku ebe adi bu matuku a bantu bafuafua,Peshi bidimu biebe bidi bu bidimu bia muntu,+   Bua wewe kukebulula tshilema tshianyiNe kutungunuka ne kukeba mpekatu wanyi anyi?+   Wewe udi mumanye ne: tshiena mupile to;+Ne kakuena udi mua kumpandisha mu tshianza tshiebe to.+   Bianza biebe wewe mbimfumbe ne mbingenze,+Kadi mpindieu ukadi usua kumbutula butubutu.   Wavuluka koku ne: uvua mungenze ne diima,+Kadi mpindieu ukadi umpingaja ku lupuishi.+ 10  Kuvua mumpongolole bu mabeleNe munkuatakaje bu fromaje* anyi? 11  Dikoba ne misunyi mbiuvua mumvuadike,Uvua mundamakaje ne mifuba ne bijilujilu.+ 12  Udi mumpeshe muoyo ne dinanga dia lulamatu kabidi;Udi mukube nyuma* wanyi ne bulami buebe.+ 13  Kadi wewe uvua muele meji mu musokoko bua kuenza malu aa.* Ndi mumanye ne: malu aa adi afumina kuudi. 14  Bu meme muenze mpekatu, uvua mua kummona,+Ne kuvua mua kumbingisha ku tshilema tshianyi to. 15  Meme mupile, diakabi dianyi! Nansha meme tshiyi ne bualu, tshiena mua kubandulula mutu wanyi to,+Bualu ndi muwujibue ne difuishibua dia bundu ne dikengeshibua.+ 16  Meme mubandulule mutu wanyi, udi ukeba kunkuata bu ntambue,+Kabidi ulejila bukole buebe kundi. 17  Udi ulua ne bantemu bapiabapia bua bampisheNe uvudija tshiji tshiebe kundi,Padi ntatu inkuata ilondangana. 18  Nunku, bua tshinyi uvua mumpatule mu difu dia mamuanyi?+ Mvua mua kuikala nansha mufue kumpala kua dîsu nansha dimue kummonadi. 19  Bivua mua kuikala anu bu ne: tshitu muanji kuikalaku to;Bavua mua kuikala bampatule mu difu dia mamuanyi diakamue too ne mu lukita.’ 20  Matuku anyi kaena makeseanyi?+ Yeye anji andekelaku;Umbushaku mêsu ende kundi, bua mpetaku ndambu wa disulakana*+ 21  Kumpala kua meme kuya, ne tshiakupingana to,+Mu ditunga dia mîdima mipite bukole,*+ 22  Mu ditunga dia mifitu mikole,Ditunga dia mundidimbi mukole ne tshimvundu,Mudi too ne butoke buikale bu mifitu.”

Note

Anyi “Anyima wanyi mmukine.”
Anyi “ne kanyinganyinga kakole ka anyima wanyi!”
Anyi “mabele makuatakaja menze dibulu.”
Anyi “mueyelu; muoyo.”
Ku mua.: “Ne malu aa wewe udi muasokoke mu muoyo webe.”
Anyi “nsangulukaku kakese.”
Anyi “dia mîdima ne mundidimbi wa lufu.”