Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yobo 1:1-22

MALU ADI MU MUKANDA EU

  • Muoyo mutoke wa Yobo ne bubanji buende (1-5)

  • Satana udi welesha tshidi tshisaka Yobo bua kuikala ne lulamatu mpata (6-12)

  • Yobo udi ujimija bintu biende ne bana bende (13-19)

  • Yobo kena wela Nzambi tshilumbu pambidi (20-22)

1  Kuvua muntu mukuabu mu buloba bua Usa, dîna diende uvua Yobo.*+ Uvua muntu mululame wa muoyo mutoke;*+ uvua utshina Nzambi ne wepuka malu mabi.+  Bavua bamulelele bana ba balume muanda mutekete ne bana ba bakaji basatu.  Bungi bua bimuna biende buvua bua mikoko 7 000, tumelu 3 000, ngombe 1 000,* mpunda 500,* uvua kabidi ne bena mudimu ba bungi menemene; wakalua muntu munene ku bantu bonso bavua ku Est.  Muanende wa balume yonso uvua ulongolola didia dia disanka ku nzubu kuende dituku diende dilongolola.* Bavua babikila bana babu ba bakaji basatu bua kudia ne kunua nabu.  Pavua matuku abu onso a didia dia disanka atuangana, Yobo uvua ubabikidisha bua kubajidila. Pashishe, uvua ujuka pa dinda menemene, ulambula milambu ya kuosha+ bua yonso wa kudibu. Bualu Yobo uvua wamba ne: “Pamuapa bana banyi ba balume mbenze mpekatu ne badiule Nzambi mu mioyo yabu.” Ke tshivua Yobo wenza misangu yonso.+  Kadi dituku diakalua divua bana ba balume ba Nzambi mulelela*+ babuele bua kuimana kumpala kua Yehowa,+ Satana+ pende wakabuela munkatshi muabu.+  Nunku, Yehowa wakakonka Satana ne: “Udi ufumina penyi?” Satana wakandamuna Yehowa ne: “Ndi mfumina ku ditambakana eku ne eku pa buloba, ku diendakanapu eku ne eku.”+  Yehowa kuambila Satana ne: “Udi mutangile* muena mudimu wanyi Yobo anyi? Kakuena muntu mukuabu udi bu yeye pa buloba. Mmuntu mululame wa muoyo mutoke,*+ udi utshina Nzambi ne wepuka malu mabi.”  Ke Satana kuandamuna Yehowa ne: “Yobo udi utshina Nzambi bua tshianana anyi?+ 10  Wewe kuena muele lupangu lua bukubi lumunyunguluke yeye+ ne nzubu wende ne bionso bidiye nabi anyi? Udi mubeneshe mudimu wa bianza biende,+ ne bimuna biende mbitangalake mu buloba. 11  Kadi, bua kushintulula malu, olola tshianza tshiebe ne kuma bionso bidiye nabi, yeye neakudiule bushuwa ku mêsu kuebe.” 12  Pashishe Yehowa wakambila Satana ne: “Tangila! Bintu bionso bidiye nabi bidi mu tshianza tshiebe.* Kadi anu yeye, kumulengi tshianza tshiebe to!” Nunku, Satana wakumbuka kumpala* kua Yehowa.+ 13  Nunku, dituku divua bana bende ba balume ne bana bende ba bakaji badia ne banua mvinyo mu nzubu mua tutuabu,+ 14  mutuadi wa mukenji wakalua kudi Yobo, wamba ne: “Ngombe ivua idima ne mpunda idia bisonsa ku luseke luayi 15  pavua bena Seba bele mvita ne bayikuate; bakashipa bena mudimu ne muele wa mvita. Anu meme nkayanyi ke uvua mupanduke bua kukumanyisha.” 16  Patshivuaye wakula, mukuabu wakalua, kuambaye ne: “Kapia ka kudi Nzambi* kakakuluka kafuma mu diulu, kutemaku munkatshi mua mikoko ne bena mudimu, ne kakababutula! Anu meme nkayanyi ke uvua mupanduke bua kukumanyisha.” 17  Patshivuaye wakula, mukuabu wakalua, kuambaye ne: “Bena Kasada+ bavua baditapulule mu bisumbu bisatu, kudielabu diakamue mu tumelu, bobu kutukuata; bakashipa bena mudimu ne muele wa mvita. Anu meme nkayanyi ke uvua mupanduke bua kukumanyisha.” 18  Patshivuaye wakula, mukuabu kabidi wakalua, kuambaye ne: “Bana bebe ba balume ne bana bebe ba bakaji bavua badia ne banua mvinyo mu nzubu mua tutuabu. 19  Diakamue tshipepele tshikole tshiakafuma mu tshipela, tshiakatuta ku matumba anayi a nzubu, ke kupukilaye bansonga aba, kubashipaye. Anu meme nkayanyi ke uvua mupanduke bua kukumanyisha.” 20  Ke Yobo kujuka, kupanda bilamba biende, kukosaye nsuki ya ku mutu wende; pashishe kudielaye panshi, yeye kuinama, 21  kuamba ne: “Ngakapatuka munda mua mamuanyi butaka,Nempingane butaka.+ Yehowa mmufile,+ Yehowa mmunyenge. Dîna dia Yehowa ditungunuke ne kutumbishibua.” 22  Mu malu onso aa, Yobo kakenza mpekatu anyi kubanda Nzambi ne: udi wenza bualu bubi to.*

Note

Diumvuija pamuapa: “Tshidibu baluisha.”
Anyi “muntu udi kayi mua kubandibua ne mululame.”
Ku mua.: “bisumbu 500 bia ngombe ibidi ibidi.”
Ku mua.: “mpunda mikaji.”
Anyi “ku nzubu kua yonso wa kudibu pa diende dîba.”
Ngakuilu wa mu tshiena Ebelu udi uleja banjelu badi bana ba Nzambi.
Ku mua.: “mutume muoyo webe kudi.”
Anyi “muntu udi kayi mua kubandibua ne mululame.”
Anyi “ku bukokeshi buebe.”
Ku mua.: “ku mêsu.”
Anyi pamuapa: “Mupenyi.”
Anyi “kuela Nzambi bualu bubi nansha bumue pambidi.”