Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 9:1-21

MALU ADI MU MUKANDA EU

  • Butoke bunene bua buloba bua Galela (1-7)

    • Diledibua dia “Mukalenge wa Ditalala” (6-7)

  • Tshianza tshia Nzambi bua kuluisha Isalele (8-21)

9  Kadi, mifitu kayakuikala bu ya pavua buloba buikale ne kanyinganyinga, bu mu bikondo bia kale pavuabu benzele buloba bua Zebulona ne buloba bua Nafatale malu ne dipetu to.+ Kadi mu tshikondo tshialua, Yeye neenze bua butumbishibue; njila wa kumpenga kua mbuu, mu tshitupa tshia buloba tshia Yadene, Galela wa bisamba.   Bantu bavua bendela mu mîdimaMbamone butoke bunene. Bua badi basombele mu buloba bua mîdima mikole,Butoke mbubatokeshe.+   Udi muvuije tshisamba etshi tshinene;Udi muvuije disanka diatshi dinene. Bobu badi basanka kumpala kuebeBu mutu bantu basanka tshikondo tshia dinowa,Bu aba badi babanyangana bintu binyenga ne disanka.   Bualu udi musunsule tshikokedi tshia bujitu buabu tupese tupese,Mutshi udi pa makaya abu, dikombo dia mufidi wa midimu mikole,Bu mu dituku dia Midiyana.+   Tshisabata* tshionso tshidi tshinyukula buloba paditshi tshiendaNe tshilamba tshionso tshitua mu mashiNebikale bintu bia kutemesha nabi kapia.   Bualu mbatulelele muana,+Mbatupeshe muana wa balume;Ne bukokeshi nebuikale* pa dikaya diende.+ Nebamubikile ne: Mufidi wa Mibelu wa Dikema,+ Nzambi wa Bukole,+ Tatu wa Tshiendelele, Mukalenge wa Ditalala.   Bua kuvula kua bukokeshi buende*Ne bua ditalala, kakuakuikala ndekelu+Pa nkuasa wa bukalenge wa Davidi+ ne pa bukalenge buendeBua kubujadika bikole+ ne kubushindikaKu diambuluisha dia kulumbuluisha kuakane+ ne buakane,+Kutuadijila ku mpindieu too ne kashidi. Tshisumi tshia Yehowa wa biluilu netshienze bualu ebu.   Yehowa wakatuma dîyi bua bualu buafikila Yakoba,Ne ndikuate Isalele.+   Ne bantu bonso nebadimanye,Efelayima ne bantu badi basombele mu Samalea,Badi bamba mu didibandisha ne mu dipanga malu dia muoyo wabu ne: 10  “Madioto mmupuke,Kadi netuibake ne mabue masonga.+ Mbakose mitshi ya tshikuyi,Kadi netupingaje mitshi ya sedre pa muaba wayi.” 11  Yehowa neajule baluishi ba Lesine bua kumuluishaNe neasonsole bena lukuna bende bua kuenza bualu, 12  Sulia luseke lua ku est ne bena Peleshete luseke lua ku ouest,*+Nebadie Isalele ne mukana mubulula.+ Bua malu onso aa, tshiji tshiende ki ntshipingane to,Kadi tshianza tshiende tshidi anu tshiolola bua kukuma.+ 13  Bualu bantu ki mbapingane kudi Yeye udi ubakuma to;Ki mbakebe Yehowa wa biluilu to.+ 14  Yehowa neakose ku IsaleleMutu ne mukila, lutonga ne tshisonsa tshia ndawu,* mu dituku dimue.+ 15  Mukulu ne muntu udibu banemeka bikole ke mutu,Ne muprofete udi ufila dilongesha dia dishima ke mukila.+ 16  Bantu badi balombola bena mu tshisamba etshi badi babapambuisha,Ne bantu badibu balombola badi batatakanangana. 17  Ke bualu kayi Yehowa kakusanka bua bansongalume babu,Ne kakumvuila bana babu badi bafuishe batatuabu,* ne bakaji babu bakamba luse to,Bualu, buonso buabu mbatontolodi ne benji ba malu mabi+Ne mukana muonso mudi muakula biakulakula. Bua malu onso aa, tshiji tshiende ki ntshipingane to,Kadi tshianza tshiende tshidi anu tshiolola bua kukuma.+ 18  Bualu malu mabi adi osha bu kapia,Abutula tumitshi tua mêba ne bisuku. Neatue bipuka bia mu ditu kapia,Ne nebibande mu matutu a muishi. 19  Mu tshiji tshia Yehowa wa biluilu,Buloba mbutua kapia,Ne bantu nebalue bintu bia kutemesha nabi kapia. Muntu nansha umue kakusungila nansha muanabu. 20  Muntu neakose ku dia balumeKadi neikale anu ne nzala;Ne muntu neadie ku dia bakajiKadi kakukuta to. Muntu yonso neadie munyinyi wa ku diboko diende yeye, 21  Manashe neadie Efelayima,Ne Efelayima neadie Manashe. Bonso pamue nebaluishe Yuda.+ Bua malu onso aa, tshiji tshiende ki ntshipingane to,Kadi tshianza tshiende tshidi anu tshiolola bua kukuma.+

Note

Anyi “Tshikumba.”
Anyi “mbulamatadi neikale; bumfumu bua bukokeshi nebuikale.”
Anyi “mbulamatadi wende; bumfumu buende bua bukokeshi.”
Ku mua.: “lua panyima.”
Anyi pamuapa: “dilala dia dibue ne dilenge.”
Anyi “bana babu ba nshiya.”