Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 8:1-22

MALU ADI MU MUKANDA EU

  • Mvita ilualua ya bena Ashû (1-8)

    • Mahê-shalala-hasha-baza (1-4)

  • Kanutshinyi, “Nzambi udi netu!” (9-17)

  • Yeshaya ne bana bende bu bimanyinu (18)

  • Ndayi kudi mikenji, kanuyi kudi bademon (19-22)

8  Yehowa wakangambila ne: “Angata dibaya dinene,+ ufundapu ne mutshi wa mukanda wa bantu bonso* ne: ‘Mahê-shalala-hasha-baza.’*  Banjadikile bualu ebu bufunda* kudi bantemu ba lulamatu, muakuidi Uliya+ ne Zekâya muana wa Yebelekaya.”  Pashishe ngakasangila ne* muprofete mukaji,* yeye kuimita difu, pashishe kulelaye muana wa balume.+ Ke Yehowa kungambila ne: “Muinyika ne: Mahê-shalala-hasha-baza,  bualu kumpala kua muana eu kumanyaye mua kubikila ne: ‘Tatuanyi!’ ne ‘Mamuanyi!’ nebikale baye ne biuma bia Damaseke ne bintu binyenga bia Samalea kumpala kua mukalenge wa Ashû.”+  Yehowa wakangambila kabidi ne:   “Bu mudi bantu aba babenge mâyi a mu Shiloa* adi apueka bitekete bitekete+Ne basanka bua Lesine ne muana wa Lemalaya,+   Nunku mona! Yehowa neabatumineMâyi adi ne bukole ne a bungi a Musulu,*Mukalenge wa Ashû+ ne butumbi buende buonso. Neabande pa njila yende ya mâyiNe neasapalale pa mielelu yende yonso   Ne neakombe mu Yuda. Neuwuje ne neapite, ufika too ne mu nshingu;+Mapuapua ende adi mabalula neuwuje buloba buebe mu butshiama,Wewe Emanuele!”*+   Benzelayi bibi, nuenu bukua bantu, kadi nebanutayishe tupese tupese. Telejayi, nuenu bonso ba ku bitupa bia buloba bia kule! Dilongololayi bua mvita,* kadi nebanutayishe tupese tupese!+ Dilongololayi bua mvita, kadi nebanutayishe tupese tupese! 10  Longololayi tshia kuenza, kadi nebatshipangishe bua kuenzekatshi! Ambayi tshinudi basue, kadi katshiakukumbana to,Bualu Nzambi udi netu!*+ 11  Mona tshivua Yehowa mungambile, tshianza tshiende tshia bukole tshikale pambidi panyi, bua kundimuija bua kubenga kulonda njila wa bantu aba: 12  “Bualu budi bantu aba babikila ne: tshitungu, kanububikidi ne: tshitungu to! Kanutshinyi tshidibu batshina to;Kanuzakadi bua bualu buatshi to. 13  Yehowa wa biluilu, yeye ke unudi ne bua kuangata bu wa tshijila,+Yeye ke unudi ne bua kutshina,Ne yeye ke udi ne bua kunuzakeja.”+ 14  Nealue bu muaba munsantu,Kadi bu dibue dia kudikumakuNe bu dibue dinene dia kutondokaku+Kudi nzubu yonso ibidi ya Isalele,Bu buteyi ne bukondoKudi badi basombele mu Yelushalema. 15  Ba bungi ba kudibu nebalenduke, nebakuluke ne nebatshibuke;Nebapiike mu buteyi ne nebakuatshibue. 16  Vunga tshijadiki tshifunda;*Tuaku mukenji* tshitampi munkatshi mua bayidi banyi! 17  Nenshale muindile* Yehowa+ udi musokoke nzubu wa Yakoba mpala wende,+ ne nentekemene kudiye. 18  Tangilayi! Meme ne bana badi Yehowa mumpeshe+ tudi bu bimanyinu+ ne bishima mu Isalele bia kudi Yehowa wa biluilu udi musombele pa mukuna wa Siona. 19  Bobu banuambile ne: “Nukonke malu kudi bena mbuku anyi kudi bantu batu bambilangana malu atshidi alua batu bakula bu tunyunyi ne banungana,” ki n’Nzambi wabu udi bantu ne bua kukonka malu anyi? Badi ne bua kukonkela badi ne muoyo malu kudi bafue anyi?+ 20  Kadi badi ne bua kukonka mukenji ne tshijadiki tshifunda!* Padibu kabayi bakula bilondeshile dîyi edi, kabena ne butoke* to.+ 21  Muntu yonso neapitshile mu buloba mubungame ne muikale ne nzala;+ ne bu mudiye ne nzala ne tshiji, neele mukalenge wende ne Nzambi wende mulawu padiye utangila muulu. 22  Pashishe neatangile pa buloba, neamone anu dikenga ne bufiike, mîdima ne bikondo bikole, mifitu ne kakumona bukenke to.

Note

Ku mua.: “ne mutshi wa mukanda wa muntu ufuafua.”
Umvuija pamuapa “Diya lukasa ku bintu binyenga, Dilua lukasa ku bintu bipawula.”
Anyi “bujadika, bushindika.”
Ku mua.: “ngakasemena pabuipi ne.”
Mmumue ne: mukaji wa Yeshaya.
Shiloa uvua munkoloji wa mâyi.
Mmumue ne: musulu wa Pelata.
Anyi “Disuikayi mikaba.”
Muaku wa mu tshiena Ebelu udibu bakudimune ne: “Nzambi udi netu” udi Emanuele. Tang. Yesh 7:14; 8:8.
Anyi “tshijadikilu.”
Anyi “mubelu.”
Anyi “Nengindile ne muoyo kuulu kuulu.”
Anyi “tshijadikilu.”
Ku mua.: “lunkelu.”