Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 66:1-24

MALU ADI MU MUKANDA EU

  • Ntendelelu mulelela ne wa dishima (1-6)

  • Mamu Siona ne bana bende ba balume (7-17)

  • Bantu badisangishe pamue bua kutendelela mu Yelushalema (18-24)

66  Monayi tshidi Yehowa wamba: “Diulu didi nkuasa wanyi wa bukalenge, ne buloba budi tshitekelu tshianyi tshia makasa.+ Nunku nzubu unudi mua kungibakila wepi,+Ne muaba wanyi wa kuikishila udi penyi?”+   “Tshianza tshianyi meme ntshienze bintu bionso ebi,Ke muvuabi bionso bifike ku dikalaku,” ke mudi Yehowa wamba.+ “Nunku, kudi muntu eu ke kungatangila,Kudi muntu udi udipuekesha ne mushikile mu lungenyi udi uzakala ku* dîyi dianyi.+   Muntu udi ushipa ngombe udi bu muntu udi ushipa muntu.+ Muntu udi ulambula mukoko udi bu muntu udi utshibula nshingu wa mbua.+ Muntu udi ufila dipa, bu mashi a ngulube!+ Muntu udi ufila mulambu wa tshivulukilu wa budimbu bua mupuya muimpe+ udi bu muntu udi ubeneshangana ne mêyi a majimbu.*+ Mbasungule njila yabu bobu,Ne badi basanka* bua malu adi enza muengu.   Nunku nensungule mishindu ya kubapesha dinyoka,+Ne bintu bine bidibu batshina nembatuminabi. Bualu pamvua mubikile, muntu kavua muandamune;Pamvua muakule, kakuvua muntu uvua muteleje.+ Bakatungunuka ne kuenza malu avua mabi ku mêsu kuanyi,Ne bakasungula bua kuenza malu avua kaayi ansankisha.”+   Umvuayi dîyi dia Yehowa, nuenu badi bazakala ku* dîyi diende: “Bana benu badi banukina ne banuipata bua bualu bua dîna dianyi bavua bambe ne: ‘Yehowa atumbishibue!’+ Kadi Yeye neamueneke ne neanutuadile disanka,Ne bobu ke bantu balua kufuishibua bundu.”+   Kudi mutoyi wa diyoyo udi ufuma mu tshimenga, tshiona tshifuma mu ntempelo! Ntshiona tshia Yehowa ufuta bena lukuna bende tshidi tshibakumbanyine.   Kumpala kua kutuadijaye kuditshinta , yeye wakalela.+ Kumpala kua didinyenga dia pa kulela kumukuata, yeye wakalela muana wa balume.   Nnganyi ukadiku mumvue bualu bua nunku? Nnganyi udi mumone malu a nunku? Buloba nebuledibue mu dituku dimue anyi? Peshi tshisamba netshiledibue musangu umue anyi? Kadi, diakamue pakatuadija Siona kuditshinta, wakalela bana bende ba balume.   “Nemfikishe muana tshikondo tshia kuledibua ne pashishe kubenga kumulela anyi?” ke mudi Yehowa ukonka. “Peshi ndi mua kulelesha ne pashishe kukanga difu anyi?” ke mudi Nzambi webe ukonka. 10  Sankayi ne Yelushalema ne ikalayi nende ne disanka,+ nuenu bonso badi bamunange.+ Sankayi nende bikole menemene, nuenu bonso badi mu madilu bua bualu buende, 11  Bualu nenuamue mabele ne nenukute mabele ende a busambi bikole,Ne nenunue bikole ne nenupetele disanka mu divulangana dia butumbi buende. 12  Bualu mona tshidi Yehowa wamba: “Mona ndi mmualabajila ditalala diende anu bu musulu+Ne butumbi bua bisamba bu mâyi a nkuaka mukole adi apasalala.+ Nenuamue mabele ne nebanuambule ku lubese,Ne nebanubembeleje pa binu. 13  Bu mudi mamu usamba muanende,Ke mungatungunuka ne kunusamba;+Ne nenusambibue bua Yelushalema.+ 14  Nenumone bualu ebu ne muoyo wenu newusanke,Mifuba yenu neyikole anu bu bisonsa bitshidi bitolokelaku. Nanku, tshianza tshia* Yehowa netshimanyike kudi bena mudimu bende,Kadi yeye neele bena lukuna bende patoke.”+ 15  “Bualu Yehowa nealue bu kapia,+Ne matempu ende a mvita adi bu tshipepele tshikole,+Bua kufuta mu tshiji tshiende tshikole,Bua kutandisha ne ndimi ya kapia.+ 16  Bualu Yehowa neakumbaje dilumbuluisha ne kapia,Eyowa, ne muele wende wa mvita, kudi bantu bonso;*Ne bantu badi Yehowa ushipa nebikale ba bungi. 17  “Bantu badi badijidila ne badikezula bua kubuela mu madimi*+ balonda muntu udi munkatshi, bantu badi badia munyinyi wa ngulube+ ne bintu bidi bienza muengu ne mpuku,+ nebafike buonso buabu ku ndekelu wabu tshiapamue,” ke mudi Yehowa wamba. 18  “Bu mundi mumanye bualu bua midimu yabu ne ngenyi yabu, ndi ndua bua kusangisha bantu ba bisamba bionso ne miakulu yonso, bobu nebalue ne nebamone butumbi buanyi.” 19  “Nenteke tshimanyinu munkatshi muabu, ne nentume bamue ba ku badi bapanduka kudi bisamba, ku Tâshishi,+ ku Pula, ne ku Luda,+ badi banana buta bua mikete, ku Tubala ne ku Yawana,+ ne ku bidiila* bia kule, bidi kabiyi biumvue lumu lua bualu buanyi anyi bimone butumbi buanyi; ne bobu nebamanyishe butumbi buanyi munkatshi mua bisamba.+ 20  Nebapatuke mu bisamba bionso ne bana benu bonso+ pa tubalu, mu matempu, mu tuzubu tua matempu, pa mpunda, ne pa tumelu tua lubilu lukole, nebabande nabu too ne ku mukuna wanyi wa tshijila, Yelushalema, bu dipa dia kupesha Yehowa,” ke mudi Yehowa wamba, “anu bu padi bantu ba Isalele balua ne dipa diabu mu dilongo dikezuke mu nzubu wa Yehowa.” 21  “Nengangate kabidi bakuabu bua bikale bakuidi ne bua bikale bena Lewi,” ke mudi Yehowa wamba. 22  “Bualu anu bu muikala diulu dipiadipia ne buloba bupiabupia+ bindi mfuka mua kushala bimane kumpala kuanyi, ke muashala bana bebe* ne dîna diebe,”+ ke mudi Yehowa wamba. 23  “Kumbukila ku dibala dia ngondo too ne ku dibala dia ngondo mukuabu, ne kumbukila ku nsabatu too ne ku nsabatu mukuabu,Bantu bonso* nebabuele bua kuinama kumpala kuanyi,”*+ ke mudi Yehowa wamba. 24  “Nebapatuke ne nebatangile bitalu bia bantu bavua bantombokele;Bualu binya bidi pambidi pabi kabiakufua to,Ne kapia kabi kakakujimibua nansha,+Ne nebilue tshintu tshia muengu kudi bantu bonso.”*

Note

Anyi “udi usamisha lungenyi bua.”
Anyi pamuapa: “muntu udi utumbisha lupingu.”
Anyi “anyima wabu udi usanka.”
Anyi “badi basamisha lungenyi bua.”
Anyi “bukole bua.”
Anyi “musunyi wonso.”
Mmumue ne: madimi a pa buawu muvuabu benzela ntendelelu wa mpingu.
Anyi “bisanga.”
Ku mua.: “dimiinu diebe.”
Anyi “musunyi wonso.”
Anyi “bua kuntendelela.”
Ku mua.: “musunyi wonso.”