Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 62:1-12

MALU ADI MU MUKANDA EU

  • Dîna dipiadipia dia Siona (1-12)

62  Bua bualu bua Siona tshiakushala mupuwe,+Ne bua bualu bua Yelushalema tshiakushala talalaaToo ne padi buakane buende bukenka bu butoke bukole+Ne lupandu luende lutema bu tshimunyi tshia kapia.+   “Bisamba nebimone buakane buebe, wewe mukaji,+Ne bakalenge bonso nebamone butumbi buebe.+ Ne nebakubikile ku dîna dipiadipia,+Diakuinyika mukana mua Yehowa mene.   Neulue tshifulu tshia butumbi tshia bulengele mu tshianza tshia Yehowa,Tshilamba tshia kujingila ku mutu tshia bukalenge mu tshianza tshia Nzambi webe.   Kabakukubikila kabidi ne: mukaji mulekela nansha,+Ne buloba buebe kabakububikila kabidi ne: munda mutupu to.+ Kadi nebakubikile ne: Disanka dianyi didi Kudiye,+Ne buloba buebe nebabubikile ne: Musedibue. Bualu Yehowa neasanke bua bualu buebe,Ne buloba buebe nebuikale bu musedibue.   Bualu anu mudi nsongalume usela nsongakaji utshidi kamama,Bana bebe ba balume nebakusele. Muikale ne disanka didi musedianganyi usanka bua mukaji udiye usela Nzambi webe neasanke bua bualu buebe.+   Pa bimanu biebe, wewe Yelushalema, ndi muteke bansentedi. Dîba dionso, munya mujima ne butuku bujima, kabashadi bapuwe to. Nuenu badi bakula bua Yehowa,Kanuikishi to,   Ne kanumupeshi dikisha too ne padiye ujadika Yelushalema bikole,Eyowa, too ne padiye umuvuija butumbi bua buloba.”+   Yehowa mmuditshipe mutshipu ne tshianza tshiende tshia balume, ne diboko diende dia bukole, ne: “Tshiakupesha kabidi bena lukuna bebe ntete yebe bu tshiakudia tshiabu,Nansha bantu ba ku babende kabakunua mvinyo webe mupiamupia uudi mutatshile to.+   Kadi bantu badi bayipuola nebayidie ne nebatumbishe Yehowa;Ne badi bamusangisha nebamunuine mu mbanza yanyi ya tshijila.”+ 10  Pitshilayi, pitshilayi mu biibi. Tokeshilayi bantu njila.+ Enzayi, enzayi tshibeba. Umbushayi mabue adimu.+ Imanyikayi tshimanyinu* bua bukua bantu.+ 11  Monayi! Yehowa mmumanyishe too ne ku ntengu ya buloba ne: “Ambilayi muana wa bakaji wa Siona ne:‘Mona! Lupandu luebe ludi lulua.+ Tangila! Difutu diende didi kudiye,Ne difutu didiye ufuta didi kumpala kuende.’”+ 12  Nebababikile ne: bantu ba tshijila, badi Yehowa mupikule,+Ne nebakubikile ne: Mukebibue, Tshimenga tshidibu kabayi balekele.+

Note

Anyi “mutshi wa tshimanyinu.”