Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 57:1-21

MALU ADI MU MUKANDA EU

  • Muntu muakane ne bena lulamatu badi bajimina (1, 2)

  • Bundumba bua mu nyuma bua Isalele mbuedibue patoke (3-13)

  • Busambi bua bapuekele (14-21)

    • Bantu babi badi bu mbuu udi kayi ubatama (20)

    • Kakuena ditalala bua bantu babi (21)

57  Muntu muakane mmujimine,Kadi muntu nansha umue kena uteka bualu ebu mu muoyo wende. Bena lulamatu mbumbushibue,*+Ne muntu nansha umue kena ujingulula ne: muntu muakane mmumbushibueBua* dikenga to.   Yeye udi ubuela mu ditalala. Badi bikisha pa malalu abu,* bonso badi benda ne bululame.   “Kadi nuenu, semenayi pabuipi,Nuenu bana ba mukaji muena mupongo,Nuenu bana ba muena masandi ne ndumba:   Nnganyi unudi nuseka? Nnganyi unudi nubaluila mukana muenu bikole ne nupatuila ludimi luenu? Nuenu kanuena bana ba dishipa dia mikenji,Bana ba dishima,+   Badi majinga makole majuke munkatshi mua mitshi minene,+Muinshi mua mutshi wonso udi musampile bikole,+Badi bashipela bana mu bibandabanda,*+Muinshi mua mitanta ya mikuna ya mabue anyi?   Tshiebe tshitupa tshidi pamue ne mabue mafinunuke a mu tshibandabanda.*+ Eyowa, owu ke tshiebe tshitupa. Owu kabidi, udi uapongoluela milambu ya bia kunua ne uapesha mapa.+ Ndiku mua kusanka* bua malu aa anyi?   Uvua mulongolole bulalu buebe pa mukuna mule mutumbuke,+Ne uvua mubandaku bua kufila mulambu.+   Uvua muteke tshivulukilu tshiebe panyima pa tshiibi ne pa dibaya dia mu luseke dia ku mushiku wa mbelu. Uvua mundekele ne muvule bilamba biebe;Uvua mubande ne mudiundishe bulalu buebe. Ne uvua mudie nabu tshipungidi. Uvua munange kulala nabu pa bulalu buabu,+Ne uvua mulengamene tshitupa tshia lulelu tshia buntu bulume.*   Uvua mupueke kudi Meleke* ne mafutaNe manananshi a bungi. Uvua mutume batumibue bebe kule,Nunku wakapueka mu Lukita.* 10  Udi mutate ne dilonda njila yebe ya bungi,Kadi kuvua muambe ne: ‘Kakuena bua nsongo!’ Uvua mupetulule bukole. Ke bualu kayi kuena ulekela.* 11  Nnganyi uuvua mumvue buôwa ne mutshineBua wewe kutuadija kushima?+ Kuvua mumvuluke to.+ Kuvua muteke bualu nansha bumue ku muoyo.+ Tshivuaku mushale mupuwe ne mudilaminyine* anyi?+ Nunku kuvua muleje ditshina kundi. 12  Nemmanyishe ‘buakane’ buebe+ ne midimu yebe,+Ne kabiakukuambuluisha to.+ 13  Paudi udila bua kulomba diambuluisha,Mpingu yebe iudi musangishe kayakukusungila to.+ Lupepele nelupite nayi yonso,Mupuya wetu eu newuyipepule,Kadi muntu udi unyemena kundi neapiane bulobaNe neapiane mukuna wanyi wa tshijila.+ 14  Nebambe ne: ‘Enzayi, Enzayi tshibeba! Longololayi njila!+ Umbushayi tshipumbishi tshionso mu njila wa bantu banyi.’” 15  Bualu mona tshidi Yeye udi Munene ne Mutumbuke,Udi ne muoyo* bua kashidi+ ne muena dîna didi dia tshijila,+ wamba: “Ndi musombele muaba mutumbuke ne wa tshijila,+Kadi ndi kabidi ne aba badi bazajibue ne bapuekele mu lungenyi luabu,Bua kusanguluja lungenyi lua bapuekeleNe kusanguluja muoyo wa badibu bazaza.+ 16  Bualu tshiakubakandamena bua kashidiAnyi kushala amu mufiike munda;+Bualu nyuma wa muntu udi mua kuteketa bua bualu buanyi,+Nansha bifukibua bidi bipuyakana bindi muenze. 17  Mvua mufiike munda bua tshipatshila tshiende tshibi tshia kupetela bintu ku mashimi,+Nunku ngakamukuma, ngakamusokoka mpala wanyi, ne mvua mufiike munda. Kadi yeye wakatungunuka ne kuenda bu ntomboji,+ ulonda njila wa muoyo wende. 18  Ndi mumone njila yende,Kadi nemmuondope+ ne nemmulombole+Ne nemmupingajile* busambi, yeye+ ne bantu bende badi badila.”+ 19  “Ndi mfuka dimuma dia mishiku. Nebapeshe udi kule ne udi pabuipi ditalala didi kadiyi dijika,”+ ke mudi Yehowa wamba,“Ne meme nemmuondope.” 20  “Kadi bantu babi badi bu mbuu udi usampuka udi kayi mua kubatama,Ne mâyi ende adi atungunuka ne kusampula bisonsa bia mu mâyi ne bitotshi. 21  Kakuena ditalala bua bantu babi,”+ ke mudi Nzambi wanyi wamba.

Note

Mmumue ne: kudi lufu.
Anyi pamuapa: “Ku.”
Mmumue ne: mu lukita.
Anyi “tusulu tua tshilonda nkoka.”
Anyi “kasulu ka tshilonda nkoka.”
Anyi “Ndiku mua kudisamba.”
Pamuapa mbakula bua ntendelelu wa mpingu.
Anyi pamuapa: “mukalenge.”
Anyi “Sheole,” mmumue ne: lukita lua bukua bantu buonso. Tang. Diumv.
Ku mua.: “upungila.”
Anyi “ne musokoke malu.”
Anyi “musombe.”
Anyi “nemmufute.”