Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 56:1-12

MALU ADI MU MUKANDA EU

  • Mabenesha pa bantu ba ku babende ne pa batungu (1-8)

    • Nzubu wa disambila bua bantu bonso (7)

  • Bansentedi bampofu, mbua idi mipuwe (9-12)

56  Mona tshidi Yehowa wamba: “Londayi kulumbuluisha kuakane,+ ne enzayi tshidi tshiakane,Bualu lupandu luanyi lukadi pa kuluaNe buakane buanyi nebumueneshibue.+   Wa diakalenga mmuntu udi wenza bualu ebuNe muana wa muntu udi ubulamata bikole,Udi ulama Nsabatu, kayi umunyanga,+Udi ukanda tshianza tshiende ku bualu bubi bua mishindu yonso.   Muntu wa ku babende udi ulamata kudi Yehowa+ kambi ne:‘Bushuwa Yehowa neantapulule ne bantu bende.’ Ne muntu mutungu kambi ne: ‘Monayi! Ndi mutshi mume.’”  Bualu mona tshidi Yehowa wambila bantu batungu badi balama nsabatu yanyi ne badi basungula tshidi tshinsankisha ne balamata ku tshipungidi tshianyi bikole:   “Nembapeshe tshivulukidi ne dîna mu nzubu muanyi ne munda mua bimanu bianyi,Tshintu tshimpe kupita bana ba balume ne bana ba bakaji. Nembapeshe dîna dia tshiendelele,Dikala kadiyi mua kujimina.   Bua bantu ba ku babende badi balamata kudi Yehowa bua kumuenzela mudimu,Bua kunanga dîna dia Yehowa+Ne bua kuikala bena mudimu bende,Bonso badi balama Nsabatu ne kabayi bamunyangaNe badi balamata ku tshipungidi tshianyi bikole,   Meme panyi nenye nabu ku mukuna wanyi wa tshijila+Ne nembasankishe munda mua nzubu wanyi wa disambila. Milambu yabu ya kuosha mijima ne milambu yabu mikuabu neyitabujibue pa tshioshelu tshianyi. Bualu nebabikile nzubu wanyi ne: nzubu wa disambila bua bukua bantu buonso.”+  Mukalenge Mutambe Bunene Yehowa, udi usangisha bantu ba Isalele badi batangalake,+ udi wamba nunku: “Nensangishe bantu bakuabu kudiye pa kumbusha bakadi basangishibue.”+   Nuenu nyama yonso ya tshisuku ya mu mpata, luayi nudie,Nuenu nyama yonso ya tshisuku idi muitu.+ 10  Bansentedi bende mbampofu,+ nansha umue wa kudibu kena umanya bualu.+ Buonso buabu badi mbua mipuwe, idi kayiyi mua kubuluka.+ Badi beyela lukasa lukasa ne balala panshi; mbanange kubungila. 11  Badi mbua ya lumpukusu;*Kabatu bukuta nansha. Mbalami ba mikoko badi kabayi ne dijingulula dia malu.+ Mbaye buonso buabu mu njila wabu;Yonso wa kudibu udi udikebela bintu bipetela ku mashimi ne udi wamba ne: 12  “Luayi, ngangataku ndambu wa mvinyo,Ne tunuayi maluvu etu makole atutue ku mbese.+ Malaba neikale bu lelu, mutambe buimpe!”

Note

Anyi “idi ne anyima mukole.”