Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 55:1-13

MALU ADI MU MUKANDA EU

  • Dibikila bua kudia ne kunua tshianana (1-5)

  • Kebayi Yehowa ne Dîyi diende dia kueyemena (6-13)

    • Njila ya Nzambi mmitumbuke kupita ya muntu (8, 9)

    • Dîyi dia Nzambi didi ne bua kukumbaja malu onso (10, 11)

55  Luayi, nuenu bonso badi ne nyota,+ luayi ku mâyi!+ Nuenu badi kabayi ne makuta, luayi, nusumbe, ne nudie! Eyowa, luayi, nusumbe mvinyo ne mabele+ kakuyi makuta, kakuyi mushinga.+   Bua tshinyi nudi nutungunuka ne kutula makuta ku tshintu tshidi katshiyi tshiakudia,Ne bua tshinyi nudi nutula lupetu luenu* ku tshintu tshidi katshiyi tshiukutshisha? Ntelejayi bimpe, ne diayi tshintu tshidi tshimpe,+Ne nenupete* disanka dia bungi mu tshintu tshidi bushuwa tshikuatshisha menemene.*+   Inyikayi ditshi dienu ne luayi kundi.+ Telejayi, nenushale* ne muoyo,Nanku, nendie nenu tshipungidi tshia tshiendelele+Mu diumvuangana ne mishindu ya dileja dinanga dia lulamatu kudi Davidi idi ya lulamatu.*+   Monayi! Mvua mumuvuije ntemu+ kudi bisamba,Mulombodi+ ne mukokeshi+ kudi bisamba.   Mona! Neubikile tshisamba tshiudi kuyi mumanye,Ne bantu ba mu tshisamba badi kabayi bakumanye nebanyemene kuudiBua bualu bua Yehowa Nzambi webe,+ Wa Tshijila wa Isalele,Bualu yeye neakutumbishe.+   Kebayi Yehowa patshidiye mua kupeteka.+ Mubikilayi patshidiye pabuipi.+   Muntu mubi alekele njila wende+Ne muena malu mabi alekele meji ende;Apingane kudi Yehowa wikala mua kumufuila luse,+Kudi Nzambi wetu, bualu yeye neamubuikidile mu mushindu mualabale.*+   “Bualu meji anyi ki mmeji enu to,+Ne njila yenu ki nnjila yanyi to,” ke mudi Yehowa wamba.   “Bualu anu mudi diulu ditumbuke kupita buloba,Ke mudi njila yanyi mitumbuke kupita njila yenuNe meji anyi matumbuke kupita meji enu.+ 10  Bualu anu mutu mvula ne neje biloka bifuma mu diuluNe kabiyi bipinganamu too ne padibi bituila buloba, bimeneshapu bintu ne bitolueshapu bintu,Bipesha mukunyi mamiinu ne bifila biakudia kudi muntu udi udia, 11  Ke muikala dîyi didi dipatuka mukana muanyi.+ Kadiakupingana kundi kakuyi bipeta,+Kadi nedikumbaje bushuwa bualu buonso budi bunsankisha,*+Ne diodi nedikumbaje bushuwa bualu bundi ndituma bua kuenza. 12  Bualu nenupatuke ne disanka,+Ne nebanupingaje mu ditalala.+ Mikuna minene ne mikuna mikese neyisangale kumpala kuebe ne mbila ya disanka,+Ne mitshi ya mu budimi yonso neyitute bikashi.+ 13  Mutshi wa jenevriye newutoloke pa muaba wa tumitshi tua mêba,+Ne mutshi wa mirte newutoloke pa muaba wa mpesa. Ne bualu ebu nebupeteshe Yehowa lumu,*+Tshimanyinu tshia tshiendelele tshikala katshiyi mua kujimina nansha.”

Note

Anyi “makuta mapeta mu lutatu.”
Anyi “anyima yenu neyipete.”
Ku mua.: “mu mafuta.”
Anyi “anyima wenu neashale.”
Anyi “ya kueyemena.”
Anyi “neamubuikidile bubi ne muoyo mujima.”
Anyi “disua dianyi.”
Anyi “nebutumbishe dîna dia Yehowa.”