Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 54:1-17

MALU ADI MU MUKANDA EU

  • Siona nkumba udi ne bua kupeta bana ba bungi (1-17)

    • Yehowa, bayende wa Siona (5)

    • Bana ba Siona badi ne bua kulongeshibua kudi Yehowa (13)

    • Bia mvita biambula bua kuluisha nabi Siona bidi ne bua kupangila (17)

54  “Ela mbila ne disanka, wewe mukaji nkumba udi kayi mulele!+ Ikala ne disanka ne ela mbila bua disanka,+ wewe utu kayi muanji kumvua didinyenga dia pa kulela,+Bualu bana ba balume* ba udibu balekele badi ba bungi menemeneKupita bana ba balume ba mukaji udi ne mulume,”*+ ke mudi Yehowa wamba.   “Diundisha muaba wa ntenta webe bikole.+ Olola bilamba bia ntenta bia ntenta webe munene wa tshitendelelu. Kudikandi to, lepesha nshinga ya ntenta webe,Ne kolesha mpopo ya ntenta webe.+   Bualu wewe neutangalake ku dia balume ne ku dia bakaji. Bana bebe nebapiane bisamba,Ne nebasombele mu bimenga bivua munda mutupu.+   Kutshinyi to,+ bualu kuakufuishibua bundu;+Ne kudiumvu mupuekeshibue milongo, bualu kuakuedibua mâyi ku makasa nansha. Bualu neupue bundu bua ku bunsonga buebe muoyo,Ne kuakuvuluka kabidi bundu bua bukamba buebe nansha.”   “Bualu Mufuki webe Munene+ udi bayebe,*+Yehowa wa biluilu ke dîna diende,Ne Wa Tshijila wa Isalele udi Mupikudi webe.+ Nebamubikile ne: Nzambi wa buloba bujima.+   Bualu Yehowa uvua mukubikile wewe muenze bu mukaji mulekela ne mukuatshike kanyinganyinga,*+Bu mukaji musela ku bunsonga ne pashishe bamubenge,” ke mudi Nzambi webe wamba.   “Bualu mvua mukulekele bua tshitupa tshîpi,Kadi nenkupingaje ne luse lunene.+   Mu bukole bua tshiji mvua mukusokoke mpala wanyi bua tshitupa tshîpi,+Kadi ne dinanga dia lulamatu dia tshiendelele nenkumvuile luse,”+ ke mudi Mupikudi webe,+ Yehowa, wamba.   “Bualu ebu budi kundi bu matuku a Noa.+ Anu bu mundi muditshipe ne: mâyi a Noa kaakubuikila kabidi buloba,+Ke mundi nditshipa ne: tshiakukufiikila kabidi munda anyi kukutandisha nansha.+ 10  Bualu mikuna minene idi mua kumbushibuaNe mikuna mikese idi mua kunyungishibua,Kadi dinanga dianyi dia lulamatu kadiakumbushibua kuudi,+Nansha tshipungidi tshianyi tshia ditalala katshiakunyungishibua to,”+ ke mudi Yehowa, Yeye udi ukumvuila luse wamba.+ 11  “Wewe mukaji udi mukengeshibue,+ mukupakaja kudi tshipepele, kuyi musambibue,+Ndi ngasa mabue ebe ne potopoto mukoleNe tshishimikidi tshiebe ne mabue a safire.+ 12  Nengenze masoso a ku tshibumba tshiebe a mabue a ribi,Nengenze biibi biebe bia mabue adi abalakana,*Ne mikalu yebe yonso ya mabue a mushinga mukole. 13  Bana bebe ba balume* bonso nebalongeshibue kudi Yehowa,+Ne ditalala dia bana bebe ba balume* nedikale divule.+ 14  Nebakujadike bikole mu buakane.+ Neumbushibue kule ne dikengeshibua,+Kuakutshina tshintu ne kuakuikala ne tshintu tshidi tshikuzakeja,Bualu katshiakusemena pabuipi nebe to.+ 15  Muntu yeye mukubunde,Kabiakuikala ku dîyi dianyi to. Muntu yonso udi ukubunda neakuluke bua bualu buebe.”+ 16  “Mona! Meme muine ngakafuka nsendaUdi upepula makala a kapia,Ne mudimu wende udi upatula tshia mvita. Meme muine ke uvua mufuke kabidi mubutudi bua kutuala kabutu.+ 17  Tshia mvita tshionso tshienza bua kukuluisha natshi katshiakutshimuna to,+Ne wewe neupishe ludimi luonso ludi lujuka bua kukupisha mu tshilumbu. Ebu ke bumpianyi bua bena mudimu ba Yehowa,Ne buakane buabu budi bufuma kundi,” ke mudi Yehowa wamba.+

Note

Anyi “bana.”
Anyi “mfumu.”
Anyi “mfumuebe.”
Ku mua.: “mutapa mu lungenyi.”
Anyi “ne mabue a kapia.”
Anyi “bana bebe.”
Anyi “bana bebe.”