Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 53:1-12

MALU ADI MU MUKANDA EU

  • Dikenga, lufu ne dijikibua dia muena mudimu wa Yehowa (1-12)

    • Mupetula ne muepuka (3)

    • Udi wambula mabedi ne makenga (4)

    • “Bu mukoko ku tshishipelu” (7)

    • Mpekatu wa bantu ba bungi muambula kudiye (12)

53  Nnganyi udi muitabuje bualu budibu bumvuile kutudi?*+ Ne bua diboko dia Yehowa,+ nnganyi udibu badisokoluele?+   Yeye neapatuke bu lutonga+ kumpala kuende,* bu muji upatuka mu buloba bume. Kena ne tshimuenekelu tshia nsongo, kena ne bulengele;+Ne patudi tumumona, mpala wende kena utukoka kudiye.*   Bavua bamupetule ne bamuepuke kudi bantu,+Muntu uvua mufundila* makenga ne uvua muibidilangane ne disama. Bivua anu bu ne: bavua batusokoke mpala wende.* Bavua bamupetule, ne tuetu katuakamutua mushinga.+   Bushuwa, yeye muine uvua muambule mabedi etu,+Ne uvua muangate makenga etu.+ Kadi tuetu tuakamuangata bu mututshibue, mukumibue kudi Nzambi ne mukengeshibue.   Kadi bakamutubula+ bua dishipa dietu dia mikenji;+Bakamuzaza bua bilema bietu.+ Wakambula dinyoka bua ditalala dietu,+Ne bua mputa yende tuetu tuakuondopibua.+   Bu mikoko, tuetu bonso tudi batambakane eku ne eku,+Muntu ne muntu mmulonde wende njila,Ne Yehowa mmuenze bua tshilema tshietu tuetu bonso tshimukuate yeye.+   Wakakengeshibua,+ kulekelaye bamukengesha,+Kadi kavua ubulula mukana muende. Bakaya nende bu mukoko ku tshishipelu,+Bu dishina dia mukoko didi dipuwe kumpala kua badikoshi ba miosa,Ne kavua ubulula mukana muende.+   Bua dibambakajibua* ne dilumbuluisha, yeye wakumbushibua;Ne nnganyi waditatshisha bua malu onso a mu tshipungu tshiende?* Bualu yeye wakumbushibua mu buloba bua badi ne muoyo;+Bua dishipa dia mikenji dia bantu banyi, yeye wakakumibua.*+   Bakamupesha muaba wa kumujiikilabu* pamue ne bantu babi,+Ne pamue ne babanji* ku lufu luende,+Nansha muvuaye kayi muenze bualu bubi*Ne kakuvua dishima mukana muende nansha.+ 10  Kadi disua dia Yehowa divua dia* kumuzaza, ne yeye wakamulekela usama. Wewe mufile muoyo* wende bu mulambu wa dipila,+Yeye neamone bana bende,* nealepeshe matuku ende,+Ne ku butuangaji buende tshidi tshisankisha* Yehowa netshikumbane.+ 11  Bua kanyinganyinga kende,* yeye neamone ne neasanke. Ku diambuluisha dia dimanya diende, muakane, muena mudimu wanyi,+Neafikishe bantu ba bungi ku nsombelu wa bantu bakane,+Ne neambule bilema biabu.+ 12  Bua bualu abu nemmupeshe tshitupa munkatshi mua bantu ba bungi,Ne neabanyangane bintu binyenga ne bantu ba bukole,Bualu yeye wakupumuna muoyo* wende too ne ku lufu+Ne wakabadibua munkatshi mua bashipi ba mikenji;+Wakambula mpekatu wa bantu ba bungi,+Ne wakakuila bashipi ba mikenji.+

Note

Anyi pamuapa: “bualu butuvua bumvue?”
“Kuende” udi mua kuleja muntu yonso udi umutangila anyi Nzambi.
Anyi “kakuena mpala wa pa buende bua tuetu kumujinga.”
Anyi “mujingulule.”
Anyi pamuapa: “Uvua bu muntu uvua bantu basokoka mpala yabu.”
Anyi “dikengeshibua.”
Anyi “ bua nsombelu wende.”
Anyi “wakashipibua.”
Anyi “Muntu neafile muaba wende wa kujiikilangana.”
Ku mua.: “muntu mubanji.”
Anyi “bualu bua tshikisu.”
Anyi “Kadi Yehowa wakasanka bua.”
Anyi “anyima.”
Anyi “dimiinu diende.”
Anyi “disua dia; disanka dia.”
Anyi “dikengakana dia anyima wende.”
Anyi “anyima.”