Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 52:1-15

MALU ADI MU MUKANDA EU

  • Tabala, wewe Siona! (1-12)

    • Makasa malengele a badi balua ne lumu luimpe (7)

    • Bansentedi ba Siona badi bela mbila tshiapamue (8)

    • Badi bambula bintu bia mudimu bia Yehowa badi ne bua kuikala bakezuke (11)

  • Muena mudimu wa Yehowa neatumbishibue (13-15)

    • Mpala munyanguke (14)

52  Tabala! Tabala! Vuala bukole,+ wewe Siona!+ Vuala bilamba biebe bilengele,+ wewe Yelushalema, tshimenga tshia tshijila! Bualu munda muebe kamuakubuela kabidi muntu udi kayi mutengula ne udi kayi mukezuke.+   Tutula lupuishi, juka, usombe, wewe Yelushalema. Sulula nshinga idi ku nshingu kuebe, wewe muana wa bakaji wa Siona udibu bakuate.+   Bualu mona tshidi Yehowa wamba: “Bavua bakupane kabayi bafile kantu,+Kadi neupikudibue kakuyi makuta.”+   Bualu mona tshidi Mukalenge Mutambe Bunene Yehowa wamba: “Kumpala bantu banyi bakapueka mu Ejipitu bua kusombelamu bu bantu ba ku babende;+Pashishe Ashû wakabakengesha kakuyi bualu.”   “Nunku, ndi ne bua kuenza tshinyi mpindieu?” ke mudi Yehowa wamba. “Bualu bavua baye ne bantu banyi kakuyi kantu kafila. Bantu badi babakokesha badi batungunuka ne kuela mbila ya ditshimuna,”+ ke mudi Yehowa wamba,“Ne ku musangu ne ku musangu, dituku dijima, kabena banemeka dîna dianyi.+   Bua bualu abu bantu banyi nebamanye dîna dianyi;+Bua bualu abu nebamanye dituku adi ne: meme ke Yeye udi wakula. Monayi, mmeme!”   Mona mudi makasa a muntu udi ulua ne lumu luimpe malengele pa mikuna,+Muntu udi umanyisha ditalala,+Muntu udi ulua ne lumu luimpe lua bualu buimpe,Muntu udi umanyisha lupandu,Muntu udi wambila Siona ne: “Nzambi webe mmulue Mukalenge!”+   Teleja! Bansentedi bebe badi babandisha dîyi diabu. Badi bela mbila tshiapamue ne disanka,Bualu nebamone bualu ebu bimpe* padi Yehowa upingaja Siona.   Ikalayi ne disanka, elayi mbila ne disanka tshiapamue, nuenu miaba ya bikulu ya Yelushalema,+Bualu Yehowa mmusambe bantu bende;+ mmupikule Yelushalema.+ 10  Yehowa mmushiye diboko diende dia tshijila patoke ku mêsu kua bisamba bionso;+Ntengu yonso ya buloba neyimone bienzedi bia lupandu* bia* Nzambi wetu.+ 11  Umbukayi, umbukayi, patukayimu,+ kanulengi tshintu tshia bukoya nansha tshimue!+ Patukayi munkatshi muende,+ dilamayi bakezuke,Nuenu badi bambula bintu bia mudimu bia Yehowa.+ 12  Bualu kanuakuya tshipapu,Anyi kunyema to,Bualu Yehowa neaye kumpala kuenu,+Ne Nzambi wa Isalele neikale mulami wenu panyima penu.+ 13  Monayi! Muena mudimu wanyi+ neenze malu ne busunguluji. Neabandishibue muulu,Neabandishibue ne neatumbishibue bikole.+ 14  Anu muvuaku bantu ba bungi bavua bamutangile bakatshila,Bualu mpala wende uvua munyanguke kupita wa muntu kayi yonsoNe tshimuenekelu tshiende tshia dikema kupita tshia bantu, 15  Ke muabazulaye bisamba bia bungi.+ Bakalenge nebakange mukana muabu* kumpala kuende,+Bualu nebamone malu avuabu kabayi babambileNe nebelangane meji a malu avuabu kabayi bumvue.+

Note

Anyi “dîsu ku dîsu.”
Anyi “butshimunyi.”
Anyi “ditshimuna dia.”
Anyi “nebapange tshia kuamba.”